بتروح شغلك فرحان ؟

لو سألت عن ايه هو مفتاح العمل الناجح ، الرد لازم يكون  “سعادة الموظفين”  لما تقدر تسئل في شركتك السؤال ده ” بتروح شغلك فرحان ؟ ” وتلاقي موظفينك بيردوا بأه احنا لما تقدر تلبي احتياجات موظفينك ده بيخليك عندك فريق من الموظفين سعداء – وفرصة أكبر بكتير لتحقيق أهداف شركتك.

مصطلح “سعادة الموظف” معناه ايه بالظبط؟

السعادة في العمل هي استراتيجية او سياسة بتسهل على الموظفين انجاز شغلهم و تحقيق نجاحات بصورة اسهل و بسعادة اكبر. جزء مهم من السعادة دي هو الإلتزام العاطفي و الإرتباط اللي بيشعر بيه الموظفين تجاه الشركة وقيمها ومهمتها.

الاشخاص هم المصدر الوحيد للإبداع والابتكار والتحسين ،علشان كدة تسخير مواهبهم و تنميتها شئ ضروري لنجاح المنظمة ونموها. نظام الاقتراحات المصمم بشكل جيد علشان تعرف اراء و اقتراحات الموظفين بيساعد على تحسين العمليات وتبسيطها. ده غير انه بيساهم في تحسين بيئة العمل داخل المؤسسة.

في الفترة دي بتظهر دراسات كتير بتثبت أنه لما يكون الموظفين سعداء بيوصلوا لمرحلة متقدمة جدا في الارتباط بالعمل و الاحساس بالمسئولية و ده بيخليهم أكثر إنتاجية ، وأكثر ولاء للشركة و بيقدموا نتائج عالية الجودة. و ده مش  بيضمن أن المنظمة تعمل بسلاسة أكبر ، و زيادة الأرباح.

بعد ما عرفت فايدة ان موظفينك يكونوا سعداء، ايه بقى اللي بيخلي الموظفين سعداء و حابين وظائفهم؟ ازاي تقدر تحقق للموظفين توقعاتهم ؟

تحديد مرتبات تنافسية :

مفيش حد بيشتغل و مش فارق معاه الفلوس, اي موظف هدفه الرئيسي هو تحقيق استقرار مادي و توفير مستوى معيشة راقي لنفسة و تسديد فواتيرة و التزماته, و ممكن كمان يحلم يسافر يلف العالم, و كل ده مش هيحصل لو كان الموظف بياخد الحد الادنى للأجور, و لكن لازم تدفع لموظفينك المرتبات اللي يستحقوها من غير مبالغة و لكن بتقدير لجهدهم.

توضيح ثقافة الشركة :

ثقافة الشركة هي وسيلة مؤكدة للاحتفاظ بالموظفين والحفاظ على رضاهم. . لأنها بتعكس أهداف الشركة وقيمها ومهمتها, و بتخلق بيئة عمل إيجابية بيشعر فيها الموظف بالتقدير و بيكون مستوعب بوضوح سبب أهمية عملهم.

تقديم فرص للتعلم و التدريب :

في استطلاع مركز Pew للأبحاث لعام 2016 لقوا ان  87 % من الموظفين بيعتقدوا أنه من المهم في عملهم في مكان ما ان يكون عندهم فرص للتدريب والتطوير المستمرة.

الأمن الوظيفي :

مفيش حد بيكمل في وظيفة و هو مش حاسس بالامان و حاسس انه في اي لحظة ممكن يمشي من الشغل, و الاحساس ده بيختفي لو في مناقشات منتظمة كل فترة بتحصل توضح للموظفين اتجاة الشركة و دور كل موظف في الوقت الحالي و دورة في المستقبل هيكون ايه, ده بيحسس الموظفين بالامان و ان ليهم مكان في خطة الشركة.

علاقات جيدة مع الزملاء:

وجود Team توظيف شاطر هيساعد في النقطة دي لأن هيتم اختيار و تعيين موظفين ثقافتهم متشابهه و مناسبة لثقافة الشركة و ده هيسهل اندماج الموظفين مع بعض و هيخلق علاقات جيدة بينهم, و هيخلق تجربة عمل مثالية.

دلوقتي تقدر تدرس كل ده بشكل مفصل من خلال الـ Human Resources Diploma