الـTurn over عالي !!!

الاول كده خلينا نقول معنى الـTurnover  و ده احنا عارفينه على انه ان نسبه الموظفين اللى بيمشوا و يسيبوا الشركة بس يا تري انت شركتك فيها الـturnover  عالي ولا نسبته طبيعيه ؟

اولا خلينا نقول انواع الـTurnover و يعنى ايه كل نوع:

• Voluntary Turnover او طواعيه:

او بمعنى اوضح انه بيكون ساب الشركة برغبته ودى بتكون لاسباب مختلفه ممكن يكون عشان فرصه فى مكان تانى او مثلا مشاكل فى الشغل او نقل سكن لمكان بعيد او ………..

و ممكن كمان يكون ان الموظف يطلع على المعاش او يتوفى و فى الحاله دى بيكون عن طريق انه يقدم استقالته او بيكون نهى فترة شغله فى المكان.

• Involuntary Turnover او اللارادى:

و ده من معناه ان الشركة هى اللى خدت القرار ان الموظف يمشي و بيكون اسبابه مختلفه زى مثلا ان اداءه ضعيف او انه متغيب بقاله فتره الخ ……..

و فى الحاله دى معظم الاحيان بيكون القرار الرفد.

• Desirable and Undesirable Turnover او المرغوب فيه و غير المرغوب فيه:

 الـTurnover المرغوب فيه ده بيكون بسبب الموظف نفسه اما بيكون بسبب تصرفات معينه من الموظف او بسبب ضعف الـperformance.

اما الغير مرغوب فيه بيكون ان موظف كفء مشي من الشركة و ده بيعتبر خسارة لادارته و خسارة للشركة نفسها .

ايه اسباب انه يكون عالي و يأثر علي الشركة ؟؟ عشان نعرف ازاى نحد من الاسباب دى و طبعاً الاسباب دى كتير بس خلينا نقول شويه منها:

مثلا و من اهم الاسباب دى:

* ان فرصة الموظف فى الترقيه او فى التدرج الوظيفى قليله فى المكان ده ان مكنتش معدومه او هو مش عارف المفروض يترقي يبقي ايه او ايه الـnext position  اللى في السلم الوظيفي بتاعه.

* او مثلا ان صاحب العمل بيدى الموظف شغل ازيد من طاقته و لما ده بيجى على حياته الشخصيه بيكون سبب مهم انه يفكر يسيب الشغل.

* و من الحاجات المهمه ان الشركة تكون ما بتديش للموظف الزيادات السنويه او مكافأته او حتى تأجيل الترقيات للموظفين.

* عدم وجود feedback بيخلي الموظف مش فاهم هو شغله تمام و لا ولأ و سواء عمل حلو او وحش مش بتفرق و دي بتضايق ناس كتير و بتاثر علي الشغل طبعا و بالتالي بتكون النتيجه ان الموظف بيسيب الشركة.

 * و غير كده كمان المعامله ان الموظف يحس ان مديره بيتعامل معاه او مع حد من صحابه معامله مش كويسه او اسلوب زعيق و عصبيه طول الوقت, بمعني تاني عدم manager’s attitude  مع الـteam members  .

و الحاجات دى ممكن يكون فى اصحاب عمل او شركات كتير مابيتخدش بالها منها و هى بتعملها و غيرها كتير …….

و من امثله الخساير اللى بيوجهها صاحب العمل  او الشركات بسبب الـTurnover العالى :

• التكلفه : ده بيكون المشكلة لان التكلفه بتكون الوقت اللى هياخده الـHR تعيين حد مكان الموظف اللى مشي دى بتكون تكلفه على الشركة لان لسه الجديد هياخد وقت عشان يعرف الشغل كويس و يبتدي يدي الشركة الانتاجيه المطلوبه . و كمان مصاريف بعد مايتعين الفرد هيحتاج لتدريبه حتى لو شخص كفء عشان يدخل فى بيئه العمل فى الشركة… الخ .
• فقدان ذوى الخبرة : ان لو ماعرفتش احافظ على الاشخاص الكفء فى الشركة من خلال مزايا خاصه عن باقى الشركات هيسيبوا الشركة نظرا لان الـsalaries  مش زي السوق او اقل منه .
• الانتاجيه : ان الشخص او الاشخاص الكفء لما يمشوا من الشركة بالتالى الشغل اللى هما كانوا بيعملوه هيتاثر .

و فى الاخر بعد كل الكلام اللى اتقال لازم نكون نعرف على اى اساس اعتبر شركتي ان الـTurnover فيها عالى و لا مناسب و دى بتكون عن طريق حسبه بسيطه ممكن تتعمل كل شهر او كل سنه:

*الحساب الشهرى بيكون عدد الموظفين اللى سابوا الشركة / عدد الموظفين الموجدين فى الشركه * 100

يعنى مثلا لو عدد الموظفين اللى عندى فى الشركة 200 و مشى منهم 50 هتكون النسبه 25% :

50عدد اللى سابوا الشركه / 200 اللى موجودين بالفعل * 100=25%