الـSupply chain مبتخوفش

مجال الـSupply chain مليان تفاصيل و بيعتبر “بعبع” لأي شخص مش فاهم اساسياته, و ده بيعتبر ظلم كبير للمجال ده لأنه ببساطة و بقدر ما هو مليان تفاصيل لكنه بيقوم على اساس الموقف “Situational based” .

يعني ايه  “Situational based” خلينا نبدأ من الاول ايه هو هدف الـSupply chain هدفها الاساسي هو, ربط كل العمليات اللي بتحتاجها اي شركة لأنتاج اي منتج ببعض, علشان تتم العمليات دي بشكل ابسط و اسرع و بأقصى جودة و اقل تكلفة.

طيب ليه هي  “Situational based” لأن مفيش منتج زي التاني ولا شركة زي التانية كله منتج بيمر بمراحل معينة ممكن منتج اخر ميمرش بنفس المراحل دي و ده بيخلي مفيش صح و غلط لكن في قرارات بتتاخد بشكل سريع و بتعتمد على طبيعة الشركة و المنتج, ايه هي العمليات اللي بيمر بيها المنتج في الـSupply chain

Forecast → Planning → Procurement → Manufacturing → Warehousing → Logistics → Inventory

و عملية الـInventory بتتم اكثر من مرة في الـSupply chain على حسب طبيعة المنتج و ده بيأكد مبدأ الـ“Situational based”  اللي قائم عليه الـSupply chain.

على سبيل المثال,

في مصطلح بيسمى الـCross docking و ده بيطلق على عمليات التصنيع اللي بتتم بدون تخزين للمنتج بحيث يتم تصنيع المنتج و تقديمة للعميل بشكل فوري بدون الحاجه لتخزينه, ده معناة ان في العملية دي وجود عمليات الـInventory و الـWarehousing بيتم بشكل غير المعتاد و المتعارف عليه و ده بسبب اختلاف طبيعة المنتجات.

و ده معناة ان اي عملية من العمليات دي ممكن الغائها على حسب طبيعة المنتج اللي بتقدمه, اهم حاجه ان العمليات اللي بتتم تكون مترابطة و كل ادارة عارفه دور الادارات الاخرى و علاقته بدورها.

و لكل عملية من العمليات اللي ذكرناها دور و الدور الكبير هو للي يقدر يدير كل العمليات دي بشكل محترف و هو الـSupply chain manager , ده بيكون شخص “ذهنه حاضر” عنده القدرة انه ياخد قرارات بشكل سريع هتأثر على سير العمل كله لأنه رابط كل العمليات دي ببعض و عارف تأثيرها على بعضها, شخص فاهم يعني ايه “Situational based” و قادر يحلل الموقف اللي هو فيه و اخد قرار على اساسه, مش شخص بيفتح كتاب الـSupply chain و يدور على الحل فيه, لأن الحل عمره ما هيكون بالنظريات.

لمعلومات اكتر انضم معانا للكورس التأهيلي للشهادة الدولية CPIM