إدارة التغيير

 شركتك بتتعرض لنوع من التغيير طيب ازاي تدير التغير ده ؟ ازاي تبلغ موظفينك بيه ؟ و ازاي تتعامل مع اللي هيبدأ يعارض التغيير ؟

اي تغير كبير في اي مؤسسة بيتعرض للمقاومة و في بعض التغيرات بتفشل و من هنا اتكون نموذج ADKAR للمساعدة في تحديد سبب صعوبة التغيير و ليه بعض التغييرات و بعضها مبينجحش.

ايه هو نموذج ADKAR ؟

ADKAR هو اختصار بيرمز لـ Awareness, Desire, Knowledge, Ability and Reinforcement. و دي المبادئ اللي اتبنى عليها نموذج ADKAR.

تم تطوير نموذج ADKAR بواسطة Jeff Hiatt في سنة 2003 وتم تقديمه كأداة عملية من مركز Prosci ، وهو مركز استشاري تعليمي في إدارة التغيير. و بيهدف نموذج ADKAR بشكل أساسي إلى أن يكون وسيلة لإدارة التغيير والتدريب لمساعدة الموظفين خلال عملية التغيير اللي بتتم داخل المؤسسات.

الـ5 اساسيات لتطبيق نموذج ADKAR:

Awareness – التوعية:

لازم يكون الموظفين عندهم علم بالتغيير اللي هيتم و اهميته و تأثيره الايجابي عليهم و انهم فعلاً محتاجين التغيير ده.

Desire – الرغبة:

ان بعد توعية الموظفين تخليهم هما عندهم الرغبة في التغيير لأنهم ادركوا اهميته, و انهم يكونوا عندهم الاستعداد للمشاركة و دعم التغيير بالكامل.

Knowledge – المعرفه:

تجميع كل المعلومات عن التغير و عرضها على الموظفين, علشان يكون الهدف النهائي للتغير واضح.

Ability – القدرة:

بسبب القدرة على تعلم مهارات جديدة وإدارة السلوك ، بيتم في النهاية قبول التغيير.

Reinforcement – التعزيز:

تعزيز حفاظك على الغيير ده بيوضح للموظفين ان مفيش راجعه في قرار التغيير.

في النهاية اي تغيير بيحصل على بعدين: المؤسسة والموظفين,  التغيير مستحيل يكون تغيير ناجح إلا إذا حصل و اطبق على البعدين في نفس الوقت. و علشان لو في اي عوائق في اي اساس من اساسيات نموذج ADKAR ، من الاحسن اتخاذ إجراء يتعلق بالعنصر اللي فيه المشكله. نموذج ADKAR بيركز على العنصر اللي يتمتع بأكبر فرصة للنجاح.

نموذج ADKAR مش بس بيساعد على تحديد الخطوات اللي لازم تعملها علشان توصل لموظفينك التغيير بشكل مناسب يقلل من المقاومه ، ولكنه كمان بيحلل بعد كده اسباب فشل التغيير لو التغيير ده منجحش.

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.