السيلز موهبه ولا تدريب

السيلز موهبه ولا تدريب

موظف الـسيلز المُدرب ولا الموهوب ؟

في بيئة الأعمال شديدة التنافس في الفتره دي ، من المفيد وجود ميزة تنافسيه تميزك. و وجود فريق المبيعات القوي واحد من أهم الأدوات اللي تضمن نجاح الشركه و زيادة مبيعاتها حسب الاستتراتيجيه الموضوعه. و وفقًا لدراسة اتنشرت على موقع Sales Force Training ، في الولايات المتحدة ، بيتم استثمار أكثر من 5 مليارات دولار في التدريب وتحسين المبيعات. فمن المهم جداً لشركتك انها تستثمر في وضع استراتيجية تدريب مناسبة لفريق الـسيلز.

طيب ايه الفرق بين موظف السيلز المدرب و موظف السيلز الغير مدرب ؟

موظف المبيعات المدرب بشكل جيد يقدر يأثر بكل سهوله على العميل المحتمل, لأنه عارف تكتيكات التفاوض المناسبة لكل نوع من العملاء, و عارف المنتج بتاعه كويس جداً و فاهم سياسية التسعير و العرض التقديمي, و دي حاجات مش هتكون متوفره عند اي موظف بيعتمد على موهبتة في الاقناع بس بدون تدريب

ايه الاسباب اللي تخلي شركه تستثمر في تدريب موظفين قسم المبيعات ؟

• ولاء العملاء :

وفقًا لدراسة حديثة ، فإن 71٪ من الأشخاص بياخدوا قرارات الشراء الخاصة بيهم على أساس الثقة والمصداقية, و تدريب موظفين قسم المبيعات بيحسن من قدرتهم على الاتصال الشخصي, و بيسهل عليهم التواصل مع العملاء لبناء علاقة وطيدة و ثقة بين العميل و الشركة تخلق في النهاية عميل عندة ولاء للشركه و ده بيوصل العميل انه يكون سفير لعلامتك التجارية و بيسوقلها بين دائرة معارفه اللي في النهاية بيزود الارباح للشركة.

• فهم الجمهور و المنتج :

تدرييب موظفين المبيعات بيخلي الموظف فاهم طبيعة المنتج اللي بيقدمه بكافة تفاصيله و فاهم العميل اللي بيعرض عليه المنتج و طبيعته و بيئته, و ده في النهاية بيطلع موظف عنده الكفاءة لفهم العميل و اقناعه بالمنتج و في نفس الوقت عنده استراتيجية لعرض مزايا منتجه و خلق احتياج عند العميل و ده بيوصل لزيادة المبيعات.

• تقصير مدة تكيف الموظف الجديد :

في العادي موظف المبيعات الجديد بيحتاج من شهرين لثلاث شهور علشان يكون موظف منتج للشركة و تدريب الموظفين الجدد بيعرفهم بطبيعة المنتج و العملاء بشكل علمي و بيفهمهم بيئة العميل و ده بيقصر من فترة تكيف الموظفين و بيسرع من انتاجيته للشركة.

• تحسين صورة العلامة التجارية :

موظف المبيعات الشاطر اللي فاهم المنتج اللي بيبيعه كويس و دارس مازاياه و فاهم اساليب الاقناع بيخلق عند العميل صورة ذهنية كويسه عن العلامة التجارية و بيحسس العميل انه بيتعامل مع شركة ثقة و ده عامل بيأثر بشكل مباشر على الارباح.

اعرف كل جديد عن علم الـ Sales من خلال دراستك للـ Sales Diploma