اخطاء معظم رجال المبيعات

اخطاء المبيعات في الغالب بيكون السبب فيها فشل الشركات في تحديث اساليب المبيعات الخاصه بيها, و العصر الحديث محتاج اساليب مبيعات حديثه.

دلوقتي هنقولك بعض الاخطاء الشائعه عند موظفي المبيعات

التركيز على الOffer مش المنتج :

منتجك هو الحل لمشاكل عملائك, خطأ بيقع فيه معظم موظقي المبيعات هو تركيزهم على ال Offers و بينسوا ان مهما كان العرض المغري العميل لو مش محتاج منتجك مش هيشتريه, منتجك دايماٌ هو الحل للعميل, ركز في 3 مشكلات منتجك ممكن يحلهم للعميل و اعرض عليه مميزات المنتج اهم ده هيوفر عليك مقدمه كبيره هتشرح فيها العرض و العميل هيزهق و هو لسه مش عارف منتجك ايه ميزته اصلاٌ.

التركيز على تقديمك للمنتج و اهمالك للأشارات اللي بتظهر من العميل :

اسلوبك في تقديم منتجك مهم, لكن تركيزك مع الاشارات و ردود الافعال اللي بتصدر من العميل اهم, لأنها هتوضحلك افضل طريقه تعرض بيها منتجك على العميل و هتعرفك ازاي تقنع العميل, التفاعل بينك وبين عملائك هو أهم بكتير من اسلوب العرض المبهر اللي ممكن تقدمه.

التركيز على السعر فقط :

العميل دايماٌ هيقولك انه عايز افضل سعر لكن لو ركزت فقط على اقناعه بالسعر انت كده بتفوت على نفسك فرصة اقناعه بمميزات منتجك اللي ممكن تقنعه بدفع السعر المطلوب بكل سهوله.

تشتيت تركيزك :

العميل ممكن يشتت انتباهك عن هدفك الاساسي و يدخل معاك في جدالات عن الأسعار و المنافسين و السوق بشكل عام و ممكن عن احوال الطقس كمان.

دايماٌ خليك مركز و عارف ان هدفك الاساسي هو تقفيل الDeal و خلي دايماٌ الPresentation بتاعتك بتعكس ده, و العميل اللي هيعطلك مجرد ما تحس انه مش مهتم سيبه و شوف غيره.

الاستمرار في العرض بالرغم من اتخاذ العميل للقرار :

ليه تكمل في الPresentation بالرغم من استعداد العميل لأتخاذ قراره خلاص, قسم الPresentation بتاعتك لأجزاء, و بين كل جزء و التاني ركز مع العميل اسأله لو عنده اي استفسار, اسألهم لو جاهزين لأتخاذ القرار.

عرض السعر في اخر الPresentation : و ده خطأ شائع جداً, لو عملت مقدمه كبيره و فضلت تعرض مميزات منتجك منغير ما تقول السعر للعميل تأكد ان العميل مش سامعك تماماٌ و مستنيك تخلص علشان يعرف السعر.

فيفضل دايماٌ انك تبدأ بالسعر علشان العميل يعرف السعر كام و ايه الخدمه او المنتج اللي هيحصل عيه مقابل السعر ده.

تجنب اخطاء موظفي المبيعات  وانضم الي الـ Sales Diploma