Long term forecasting

 

Long term forecasting

او التوقعات طويلة الأجل هي استراتيجية بتدرس السوق و احتياجات المؤسسه من العماله و الظواهر اللي ممكن تأثر على عمل المؤسسه في المستقبل و تحديد التكاليف و الاعمال الاداريه و وضع خطط طويلة المدى لعمل المؤسسه.

و عادة التوقعات طويلة الأجل بتغطي مدة طويله بتتراوح بين سنتين لعشر سنين لكن بيتم تعديلها بشكل دوري علشان نضمن انها مناسبه لوضع المؤسسه المتغير خلال السنين.

و للتوقعات طويلة المدى اكتر من اسلوب منهم ..

• طلب الوحده – Unit demand :

الاسلوب ده بيتطلب من كل مدير معرفة النشاطات اللي هتقوم بيها الوحده المسئول عنها في اسنوات المقبله و عدد الاشخاص اللي هيحتاجهم في كل سنه لتحقيق اهداف العمل, و بعد الحصول على المعلومات دي من كل مدير وحده بيتم تجميعها و على اساسها بتوضع توقغعات شامله للمؤسسه.

و الاسلوب ده كان هو السبب في ان الخطوط الجوية اليابانيه تكتشف في منتصف التسعينات ان هيكون عندها نقص كبير في عدد الطيارين بسبب وصول عدد كبير منهم لسن التقاعد بالاضافه لخطتهم في التوسع زيادة عدد الرحلات و ده خلاهم قدروا يسدوا النقص ده قبل حدوثه.

و مشكلة اسلوب الUnit demand هو انه بيتطلب تجميع عدد كبير من المعلومات من مديرين الوحدات و الموظفين اللي ممكن بعضهم ميكنش متعاون.

• تقنية دلفي – Delphi Technique :

تقنية دلفي هي طريقة للتنبؤ باحتياجات الموظفين, بتعتمد على الخبراء و مديرين الموارد البشريه اللي بيكونوا وسطاء ما بين الموظفين و الخبراء و بيدرسوا احتياجات الموظفين و يبلغوا الخبراء بالنتائج.

و بعد ما بتوصل النتاج للخبراء بيتم عمل استطلاعات للخبراء مره تانيه و بتتكرر اكتر من مره لحد ما تتفق اراء جميع الخبراء و الاتفاق ده بيكون هو التوقعات لاحتياجات الموظفين.

السمة المميزة لتقنية دلفي هي عدم وجود تفاعل بين الخبراء.

• تحليل Markov :

تحليل Markov بيستخدم للتنبؤ و بيعتمد على الوضع الحالي للمؤسسه و بيتنبأ الوضع المستقبلي منغير النظر للانشطه سابقه اللي ادت للوضع الحالي, فهو بيتوقع نشاط متغير عشوائي بيعتمد بس على الظروف الحالية.

 و بيستخدم في حالات زي مثلاُ التنبؤ بعدد القطع الغير سليمه اللي ممكن تطلع من مصنع نتيجة حالة التشغيل الحالية للمكينات و الالات. 

للمزيد من المعلومات سجل الان في شهادة PHRI المعتمده من – HRCI Human resources certification institute المقدمه من hpa.