تخلق احتياج للعميل ولا تلبي احتياجه الفعلي ؟

لحد من فتره قريبه كان اي Business بيبدأ علشان يبيع المنتج او الخدمه اللي بيقدمها بيحاول يقنع العميل انه محتاج المنتج ده علشان يقدر يبيعه, دلوقتي و مع سهولة عمل الـMarket research و الوصول للناس و معرفة احتياجاتهم الوضع اتغير, و بقى اي حد بيبدأ Business بيدرس الاول السوق و احتياجات العملاء و على اساسها بيقدر يخلق منتج او خدمه مبنية على الاحتياج الفعلي للعميل “بيعمل المنتج اللي العميل محتاجه”, و ده بالظبط اللي حصل مع خدمة زي خدمة Uber اللي بدل ما تخلق احتياج للعميل هي خلقت منتج بيسد احتياجات العميل بشكل كبير, فالعميل دايماً بيتعامل مع المواصلات و دايماً عندة مشكلة مع التاكسي درست Uber كل مشاكل العملاء مع المواصلات و طلعت بالحل اللي وفر عليهم كتير لأن الخدمه اللي بيقدموها العميل هو اللي محتاجها و هو اللي بيطلبها فبالتالي العميل هو اللي بيدور عليهم.

نفس الفكرة مع الـFood delivery Apps زي Otlob اللي بردو درسوا السوق كويس و عرفوا احتياج العميل انه مع كل Order محدش بيبقى عايز يتصل يطلب و كلعوا هما بالحل اك بدل ما تتصل اطلب الـOrder Online عن طريق الـApplication بتاعهم.

الاسلوب الجديد ده اثبت نجاحه بشكل كبير لأن البيزنس بتاعك بيكون في الاساس معتمد على احتياج العميل  فمنتجك بيطلع و انت عارف انه مطلوب و عارف مواصفات عملائك المحتملين و طبيعتهم و ازاي تسوقلهم, و التسويق ليهم عمره ما هيكون صعب لأنهم كده كده عندهم الاحتياج لمنتجك.

و علشان كده قبل ما تبدأ اي مشروع ادرس السوق, و اسمع كويس للعملاء و احتياجاتهم كل ما هتسمع اكثر كل ما افكارك و تخيلك لمشروعك هيتغير لحد ما هتوصل للفكرة اللي هتد بشكل اساسي احتياجات قاعدة من العملاء, و بكده انت ضمنت نسبة مبيعات في بداية مشوعك و مع استمرارك في الاستماع لأراء العملاء و تحسين المنتج او الخدمه اللي بتقدمها و تقديمها بجودة كويسه هتقدر تضمن مكانة كبيرة ليك في السوق و هتكسب عميل دائم عنده ولاء و راضي عن المنتج.

معانا هتقدر تحقق حلمك وترسم الطريق   الـConsulting Services المقدمه من hpa