Application form

اتكلمنا عن الـSelection tools و قولنا بعض الامثله منها و انهاردة هنتكلم بشكل مفصل اكثر عن Tool منهم غالباً اصبحت بتستخدم في كل المؤسسات و هي Application form.

مفيش حد راح يعمل Interview و مملاش Application سواء Online او بورقة و قلم.

طيب ايه لازمة الـApplication ده ؟ و ليه مش بيكتفوا بالـCV؟

على عكس الـCV اللي بيكون المتقدم للوظيفة مجهزة, الـApplication بيكون الـRecruiter هو اللي مجهزة علشان يعرف حقائق و معلومات معينة بطريقة مؤكدة, فهتلاقي مثلاً اسأله عن تاريخ بداية و نهاية عملك في شغلك السابق, معلومات و ارقام المشرفين عليك في شغلك السابق, تاريخ حصولك على شهاداتك, ده غير طبعاُ اسمك و رقم تليفونك و عنوانك.

انك تخلي كل متقدم للوظيفة يملى Application ده بيسهل عليك المقارنة بين كل المتقدمين لأنهم بيجاوبوا كلهم على نفس الاسئله اللي انت مخصصها لقياس مهارات معينة مطلوبة في الوظيفة, بالاضافة للـInterview .

و من عيوب الـApplication form انها مش بتسمح للمتقدم انه يعبر عن نفسه بحرية, ساعات كتير بيكون المترشح حابب يكتب بعض المعلومات الاضافية اللي هتفيد في تقديمة للوظيفة و لكن مبيكنش ليها مكان في الـForm و ده بيقدر يعوضه في الـInterview.

و عيب اخر هو ان بعض الاشخاص ممكن تكسل تقدم بسبب طول الـ Application و ده بيضيع فرص لكن في نفس الوقت بيظهر المتقدمين الكسالى و دول اكيد مش هيكونوا مناسبين للعمل في الشركة.

و بعض الشركات بتستخدم نظام تتبع المتقدمين (ATS) لأنه نظام آلي بيستخدم لجمع كل المعلومات اللي مسجلها المرشح و لضمان الاتساق في عملية التوظيف.

و الـRecruiters لازم يعرفوا ان في بعض الاسئله مسموحه و اخرى غير مسموح بسؤال المرشحين عنها زي :

يحظر قانون الأميركيين استفسارات عامة حول الإعاقات والمشاكل الصحية والحالات الطبية, الاسئله عن اذا كان المتقدم عنده اصدقاء او اقارب او معارف شغالين مع صاحب العمل لو كان سببها ان يكون للمتقدم اللي عنده واسطه ليه الافضلية فده سؤال غير مسموح بيه.

و ظهر مؤخراً الـ Weighted application blanks .. ايه هي الـ Weighted application blanks ؟

هي خاصية في الـApplication بتسمح للـRecruiter بتحديد الاسئله و وضع درجة كل سؤال, و درجة نهائية للتقييم على اساسها, و في النهاية يملى المتقدم الـApplication و يقوم الـApplication بطريقة اوتوماتيكية بوضع درجة للمتقدم على حسب اجاباته, و ده بيسهل على الـRecruiter المقارنة بين المتقدمين و اختيار الافضل من حيث الدرجات.

و لأننا عارفين ان تعيين موظف امر مش سهل hpa بتوفر لشركتك خدمة الـrecruitment اللي من خلالها هنتحمل احنا كل عملية التوظيف بداية من نشر الوظيفه  واجراء المقابلات لحد ما نوصلك افضل الكوادر المختاره  والمناسبة لبيئة العمل الخاصة بشركتك و بنفضل مسئولين لمدة 3 شهور عن الموظفين و مسئولين عن إيجاد بدائل في حالة عدم استمرارية الموظف او عدم كفائته.