Co-Branding

عملوها الوحوش
 Nike و Apple

طبعاً كلنا عارفين شركة Nike  و منتجاتها المتنوعة من الملابس الرياضية .. الشركة دى بتدرس بشكل مفصل سلوك المستهلك بتاعها مش علشان تنتج حاجات تناسبة أو تريحه  و بس …

شركة نايك وجدت أن الناس اللى بتجرى بتحب تسمع موسيقى و هما بيجروا  و كمان بيهتموا أنهم يعرفوا جريوا مسافة قد ايه و حرقوا سعرات قد إيه .. و من هنا جت الفكرة العبقرية اللى فعلاً بتعبر عن المعنى الصح لمصطلح الـ Co-branding

الفكرة هى أن Nike عملت شراكة مع Apple  علشان المستهلك يقدر يعمل الحاجتين مع بعض … يجرى و يسمع موسيقى

طورت Nike  خط أحذية و سمته Nike +  أما Apple  ابتكرت رقاقة تتناسب مع الأحذية دى و تقدر تسجل تقدم المستخدمين عند قيامهم بتنشيط الميزة من iPod أو iPhone الخاص بهم.

الشريحة دى هتعرف المستخدم حرق سعرات قد إيه و جرى مسافة كام كيلو و كانت سرعته قد إيه و الوقت و كمان فوق ده كله ممكن يتم برمجة جهاز الـ Apple  علشان يشغل الأغانى اللى المستخدم بيفضلها و هو بيجرى ….

المثل ده بيوضحلنا مفهوم الـ co branding   و فيه أمثلة كتيرة غير  Apple & Nike

إيه بقى الـ co-branding و إيه مميزاته و مخاطره على الـ Business

الـ Co-Branding هو اسلوب من اساليب التسويق اللي بتعتمد على اتحاد علامتين تجاريتين مع بعض و Brands معروفه كتير اتبعت اأسلوب ده في التسويق, و ده بيخلي كل علامه تجاريه بتوسع قاعدة عملائها بأنها تظهر نفسها قدام عملاء العلامه التجارية اللي اتحدت معاها, علشان في الاخر يكون العلامتين التجاريتين كسبانين من الشراكه دي:

ايه هي فايدة ال Co-Branding ؟

مشاركة المخاطر : كده الBrands اللي بتتشارك بتتحمل المكاسب و المخاطر سوا و ده بيقلل من حجم المخاطر و الخسائر اللي ممكن يمروا بيها لأنها بتتقسم على اتنين.

زيادة دخل المبيعات : لأن اصبحت المبيعات مرتبطه بمنتجين او بعلامتين تجاريتين و ده بيزيد دخل المبيعات بشكل ملحوظ.

زيادة ثقة العملاء بالمنتج : كل منتج عنده عملائه اللي بيثقه فيه و لما بيشوفوه اتحد مع منتج اخر بالتباعيه بتتنقل ثقتهم للمنتج الاخر كمان و ده معناه ان الـCo-Branding بيولد ثقة عملاء الBrand التانيه في منتجك.

نطاق واسع بسبب الإعلان المشترك : فالاعلان المشترك بين علامتين تجاريتين بيخلي النطاق المعروض عليه الاعلان اوسع لأنك بتضم جمهورين مختلفين و نوعين من العملاء.

تحسين صورة المنتج عن طريق الارتباط بعلامة تجارية مشهورة : ارتباط منتجك بعلامه تجاريه تانيه مشهورة بيحسن من صورة منتجك في عيون عملاء المنتج الاخر لأنك اصبحت مرتبط بمنتج ذو ثقه بالنسبه لهم.

مضاعفة ميزانية التسويق : تكاليف التسويق مش قليله و من اهم فوائد الـ Co-Branding هو تقسيم تكلفة التسويق على مؤسستين و ده بيقلل التكلفه و بيزود الربح.

كل الفوائد دي بتكون نتيجة نجاح استراتيجية الCo-Branding و نجاح استراتيجية الCo-Branding هيساعد شركتك في زيادة حصتها في السوق, و اللي علشان تضمن الوصول ليه لازم تختار علامة تجارية مناسبه تقدر تتحد معاها و توصل للنتائج دي.

و من امثلة الـ Brands اللي نجحت في الـ Co-Branding :

• Red bull & Go Pro
• Uber & Spotify
• Amazon & American Express
• Dell & Intel
• MasterCard and Apple Pay

في النهاية, الـCo-Branding هو طريقه ممتازه لتنمية علامتك التجاريه منغير دفع مبالغ كبييره في الحملات التسويقيه, فهي بتخلق علاقة ” Best of both worlds”  بمعني ان كل علامه تجاريه بتستفيد من مميزات و سمعة و صورة و قاعدة بيانات العلامه التجارية التانيه, و مع كده لازم تتعامل مع استراتيجية الCo-Branding بحذر لأن ة متمتش بشكل سليم هتتحول لخطر بيهدد علامتك التجاريه.

اعرف اكتر عن استراجيات التسويق بناءا علي دراسة جمهورك ومعرفة اهتماماته وسلوكه سجل معانا علي كورس – Customer Psychology  المقدم من hpa و هتعرف كل حاجه خاصه بسلوكيات العميل و ازاي تستغلها في مجالك.