ليه اللبان بيبقى جنب الكاشير ؟

مفيش حد مننا مراحش Super market قبل كده, مخدتش بالك ان دايما بيكون الكاشير جنبه لبان .. “اكيد صدفه”, طيب لو هي صدفه ازاي الصدفه دي موجودة في كل الـ Super markets ؟

هل دي خطة ؟ ولا صدفة ؟ ولا اللبان مالوش مكان و بيتحط في اي حته و خلاص ؟

في الـ Marketing مفيش حاجة اسمها صدفة, لكن في استراتيجية بتتحط على اساس دراسة السوق و الـ Consumer behavior.

و ده بيوصلنا لجزء من الـ Marketing mix و هو الـ Place.

ايه هو الـ Marketing mix؟

الـ Marketing mix في الاغب بيشير للـ 4Ps الاساسيين و هم :

• Product – المنتج.
• Price – السعر.
• Promotion – الترويج.
• Place – المكان.

و اي شركة عايزة تعمل استراتيجية تسويق سليمة لمنتجها لازم في البداية تحدد العناصر دي, و العناصر دي بيتم تحديدها على اساس عاملين اساسيين :

عوامل داخلية :

• طبيعة المنتجات
• مراحل المنتج في دورة حياته الشاملة
• توافر الأموال
• أهداف الشركة

و عوامل خارجية :

• درجة المنافسة
• كفاءة القناة
• سلوك الشراء للمستهلك

لو طبقنا العوامل دي على مكان اللبان هنلاقي ان اللبان من ضمن خصائصة انه منتج صغير و رخيص و الاطفال بتشبط فيه .. ” و ممكن تاخده بدل الباقي”, و هو ده السبب ورا وضع اللبان جنب الكاشير. مكان عرض المنتجات بيأثر بشكل كبير على بيعها, و كل ما كان مكانها سهل الوصول ليه كل ما كانت مبيعاتها احسن, و الـ Place في الـ Marketing مش بس بيحدد مكان وضع المنتجات في المحل, و لكن كمان بيحدد المحلات اللي يتحط فيها المنتج, سواء لو مصنع ممكن يبيع Direct selling لو يبيع من خلال تجار التجزئة.

مش بس كده ده ساعات الـ Place كمان بيحدد برامج او افلام معينة يظهر فيها المنتج كنوع من الترويج, و لكن ده بيكون فيه تداخل بين الـ Place و الـ Promotion.

بعد كدة لما تشوف اللبان جنب الكاشير .. هتكون عارف السبب.