Blog عن الـ Blog

الصراحة لو على شرح الـ Blog محتاج Articles – فى فروق بين الـ Blog وبين الـ Article هنتكلم عنها مرة تانية..

المهم اننا اختارنا أننا نشرح الـ Blog فى Blog عشان يكون شرح وتنفيذ فى نفس الوقت .

5 خطوات تعمل بهم Blog ..

قبل ما نبدأ .. لازم تعرف أن إحترافك لكتابة الـ Blog متوقف على أدائك فى تنفيذ الخطوات دي مش بس معرفتك بهم .

أولاً : أختار الموضوع اللى هتتكلم فيه ..

ودا مش معناه أنك تختار الموضوع بس .. بعد ما تختار الموضوع لازم تبدأ Search  عنه وتعرف معلومات كتير جدا ولو هتستخدم أحصائيات أو تقارير أو حتى أحداث تاريخية لازم يكون بناءاً على مرجع موثوق فيه ولازم يكون معاك إثبات بكدة

#لاااااااازم  

ثانياً : حدد العنوان ..

والعنوان مش كلمتين والسلام .. تعبك اللى تعبته فى المرحلة الاولى والمراحل اللى جاية هيروح ع الارض لو العنوان مش مناسب .

العنوان لازم يكون جذاب جداً ومفيد ” يعني فعلاً بيعبر عن المحتوي اللى مكتوب “

ثالثاً : إكتب كتيير ..

يلاا يا بطل .. المجهود اللى بذلته فى المرحلة الاولى هيتعوض هنا .. كل ما عملت المرحلة الاولى بأتقان الكتابة هتكون أسهل .

وفى المرحلة دي أكتب من غير أي قيود ” متركزش فى الأخطاء الاملائية والنحوية .. أيوة لأنك فى أخر مرحلة هتراجع كل دا “

بس المهم دلوقتى تكتب محتوي قوي ومفيد . ” بس بعد ما تكتب كتير أختصر اللى انت كتبته بحيث لا يتخطي 600 كلمة “

رابعاً : أستخدم صور ..

حول المحتوي بتاعك لفيلم اللى بيقرأة ميزهقش إستخدم صور مع طريقة الكتابة المسلية للقارئ .. دا غير ان كل ما زودت صور توضح بها المحتوي بتزيد فرص قرائته .

خامساً : مبروووك .. انت فى مرحلة المراجعة .. كيفية كتابة المقال 

متفرحش أوي كدة .. المرحلة دي متقلش أهمية عن باقي المراحل لأن غلطة واحدة ممكن تبوظ الدنيا وتدي معني انت مكنتش تقصدة . كيفية كتابة المقال 

خليك فاكر دايماً .. أن النحو والتشكيل والكلام اصلااا اتعملو عشان تعبر عن اللى انت عاوزة فأستخدمهم صح .

أنت كدة تعرف تكتب Blog بس مش محترف .. والأحتراف بيتخلق بالممارسة

كدة مش ناقصك حاجة غير أنك تبدأ ..!

Author: Mohamed Shalaby  
hpa| Digital Marketing Trainee