كيفية إعادة شراء الشركة لأسهمها

يوجد أسلوبين منتشرين للطريقة الي بتخلي الشركة ترجع تشتري اسهمها مرة تانية  من السوق المفتوح

اول طريقة هي طريقة العطاءات Tender Offer
وده بيتم من خلال الجرائد او اي وسائل اتصال اخرى , وفيه بتعلن المنشاة عن رغبتها في شراء اسهم تانية بسعر محدد غالبا بيكون السعر ده اعلى من القيمة السوقية للسهم وقت الاعلان عنه وبيستمر الاعلان تقريبا لمده اسبوعين او اكتر وده بيحصل في حالة لما يكون المعروض للبيع اكبر من الي الشركة عايزة تشتريه  فبيكون ليها حرية الاختيار تشرية كله او تشتري جزء منه فقط عيب الطريقة دي ان تكلفة شراء السهم مقارنة بالسعر السوقي للسهم بيكون كبير وده علشان عمولة السماسرة .

اما الطريقة الثانية هي السوق المفتوح Open- Market
ده بيكون مباشرة من خلال السماسرة بس خد بالك لازم لما تيجي تشتري لازم الشراء يكون تدريجي علشان لو حبيت تشتري كميات كبيرة من الاسهم ده حيؤدي الى ارتفاع القيمة السوقية للسهم ، وفي الغالب ان لجنة الاوراق المالية والبورصة SEC  بتحط قيود على الطريقة دي وبتشترط تجميع الاسهم المطلوبة وده بيحصل على فترة زمنية طويلة وده معناه ان اسلوب العطاءات بيكون احسن بكتير لما بيكون الاسهم المشتراه كبيرة .

وفي الحالتين الي فوق لازم اصحاب الاسهم يتبلغوا ان الشركة عايزة تعيد شراء اسهمها وبيظهر اهمية ده لما تشتري من السوق وده على اساس ان اسلوب العطاءات بيكون بيعبر عن رغبة الشركة ولازم الشركة متخفيش اي معلومات مهمة عن اصحاب الاسهم لان ده حياثر على قرارهم في البيع او الاحتفاظ بالاسهم زي مثلا وجود معلومات عن منتج جديد الشركة حتطرحة في السوق في نفس وقت اعادة الشراء وده بيخلي الجهات الحكومية زي الضرائب تشك في هدف الشركة في اعادة الشراء بسبب انها عايزة تتهرب من الضرائب ، الي كانت الضرائب متوقعة تحصلها من الشركة لو الشركة كانت وزعت الارباح في صورة نقدية وده يعتبر الزيادة في القيمة السوقية للسهم في حالة الشراء مرة اخرى .