بتشتغل في المبيعات ..

راجع سياساتك البيعية قبل 2020

 في السنين اللي فاتت عالم المبيعات اتغير بشكل كبير لأنه حصل تغيير في التقنيات المستخدمه و اساليب جديده للبيع و الشركات بقى عندها فرص اكبر, طيب دلوقتي مع دخول سنة 2020 ايه الجديد؟

Generation Z

من اهم العوامل اللي هتأثر على المبيعات في الفتره الجايه و هو الجيل الجديد Generation Z و ده بيطلق على الجيل بداية من اواخر التسعينات لأوائل سنة 2000 و اللي اصبح اصغرهم عنده 20 سنه.

و ايه تأثير ده على البيع ؟

بشكل اساسي ده بيغير من سياسة البيع لأن الجيل اختلف و الشركات هتحتاج تلتفت لمتطلبات النوع ده من المستهلكين بوعي و هتحتاج تسمعهم بوضوح لأن نسبة استهلاكهم اصبحت هي الاعلى بالنسبه لشريحه كبيرة من المنتجات و الخدمات.

الاجيال الاكبر استقبلت كل اللي محتاجينه و جه الدور على الاجيال الجديدة اللي اساليب البيع القديمه مش هتجذبهم لأنه جيل معقد جداً, اتولد و حواليه كل انواع التكنولوجيا و كبر و هو بيتعرض للتكنولوجيا و بيتعامل مع تطورها, و بالتالي بيقدر يكتشف العيوب بشكل سريع متطلبات الجيل ده مختلفه و متطلبات الجيل الاكبر لازالت جزء من اي استراتيجية بيع مينفعش نهمله.

الجيل الجديد عنده وعي و ادراك اكبر بكثير من الاجيال السابقه و و متأثرين بكل اللي بيحصل في العالم من تلوث و صراعات و غيره ده بيأثر على البيع و من تأثيراته ان علامات تجارية كثيرة و معروفة بقت بتحط على منتجاتها علامة توضح انها “صديقة البيئه”, ده غير ان الجيل الجديد اصبح عنده القوة الشرائية اللي تخليه يقدر يقاطع منتج بكل سهولة و ينشر مقاطعته على مواقع التواصل الاجتماعي فيشجع ناس اكثر على المقاطعه.

بالاضافه الى ان الجيل ده اصبح مدرك بشكل كبير لقيمة الفلوس و مش سهل يصرفها في حاجه جودتها ضعيفه فأصبح اصعب عليك كرجل مبيعات انك تأثر عليه تأثير عاطفي علشان يشتري, لازم تقنعه و تأكدله جودة و اهمية منتجك و احتياجه ليه بشكل مبني على ادله و حقائق.

و الجيل ده هو السبب في ظهور اسلوب جديد للبيع عن طريق النت, لأنه جيل صوته مسموع و ادراكه عالي و اهماله بيعني انتهاء علامتك التجارية بشكل حتمي في المستقبل.

لكل موظفي و مسؤلي المبيعات .. في 2020 جهزوا نفسكم للجيل الجديد.

اعرف كل جديد عن علم الـ Sales من خلال دراستك للـ Sales Diploma