المدير الناجح أداة لنجاح المؤسسة ككل

علشان تبقي المدير الناجح في المؤسسة بتاعتك لازم تفهم ان التكوين البسيط للمؤسسة  هو موظفين وإدارات مختلفة والادارات دي لازم يحصل مابينهم ترابط لتحقيق اهداف المؤسسة الواحدة  وده بيكون اساس في عمل المدير الناجح.

المدير الناجح  بيكون العنصر المحرك لفريقه علشان يتجه بيه لأهداف الشركة المخطط ليها مسبقًا و بالتوافق مع الإدارات الاخري .

طيب علشان تبقي المدير الناجح ده محتاج تعمل ايه؟!!

ببساطه لو انت لسه جديد  (New Manager) في الادارة او حتي لو قديم  (Top Level)  لازم تعرف ان عندك اساسيات في الادارة مينفعش تتخلي عنها وتحاول علي قد متقدر تلتزم بيها , في الموضوع هنا هنحاول نحط صفات ولو بسيطة في علم الادارة الناجحة علشان تقدر تبقي مدير ناجح  لشركتك وفريقك في العمل :

1- لازم تكون علي علم ودراية كامله بكل اهداف المؤسسة وطموحاتها وايه الخطوات والاجراءات المتبعة لتحقيق الاهداف دي .

2- لازم تتعرف علي الموظفين اللي في فريقك او ادارتك ولازم تشاركهم اهتمامتهم و تحترم مبادئهم ده بيكون عامل مهم لتحفيز الموظفين علي تحسين الاداء في العمل .

3- لازم تحفزهم بطرق مختلفه والاهم وجود التحفيز المعنوي والتقدير وانك تشيد بالموظف الناجح ومتحاولش تعمل مقارنة بين الموظفين وبعضهم .

 4-  حاول يكون تقييم الاداء لكل موظف علي حدي و حاول تسأل كل موظف عن مدي رضاه عن وظيفته والمهام المطلوب منه يعملها .

 5- حط أهداف للفريق معقولة وغير مبالغ فيها وحاول تقسمهم علي فريقك بشكل عادل علشان تقدر تحقق الاهداف دي بشكل كبير و يكون ده عامل محفز ليك ولفريك ودافع اكبر ليكوا لتحقيق الاهداف المستقبلية.

فلاحظ تغير و تطور أداء فريقك يوم بعد يوم وحاول تظهر أعمالهم و نجاحهم بشكل كبير وتشيد بيه في كل فرصه ممكنة .

6- لا تسلط الضوء علي الاخطاء يعني لو حد من فريقك غلط حاول تشاركة في تحمل مسئولية الخطأ ودي حاجه هتطمن الموظفين اللي في فريقك وتديهم فرصة للابتكار والتفكير والتطوير وحاول ان لا تنحاز لشخص واحد في فريقك او ادارتك لان ده هيتسبب في تذمر باقي الموظفين وهيأثر علي الاداء العام لفريقك .

7-  ومن اهم القواعد الاساسية في الادارة حاول انك متفرضش سيطرتك علي الموظفين واديهم مساحتهم الخاصة في التفكير وتنفيذ الاهداف كلًا علي طريقته .

 علي العموم فإن القيادة هي وظيفة أساسية ومهمة جدا في تحقيق نجاح المؤسسة علشان كده لازم تكون حريص بشكل كبير علي تأدية دورك كمدير ناجح  .

لو عاوز يوصلك كل جديد عن مجال الادارة بشكل عام اعمل Subscribe واحنا هنبعتلك كل جديد

Highly Professional Advisor

Marketing team