الشمول المالي و الأقتصاد

الشمول المالي و الاقتصاد  سواء كنت فرد أو شركة أنت مطمن ومش خايف من اي حالة نصب أو أن حد يفرض عليك رسوم مش في محلها أو مش من حقه فرضها عليك أصلا, الشمول المالي بيحقق الأمان وبيخليك ضامن أن كل الوسائل اللي هتتعامل من خلالها شرعيه ومش مضطر تلجأ ابدًا لوسائل غير رسميه .

طيب قبل منتكلم في أهمية الشمول المالي ,وأهدافه بالنسبة لينا كافراد بالمجتمع, تعالوا نشرح يعني ايه أصلا شمول مالي:

يعني أنت او أي فرد في المجتمع أوحتي لو مؤسسة ( ايًا كان نشاطها او طبيعة عملها) تقدر تلاقي خدمات ومنتجات مالية من البنوك بكافة أشكالها علشان تلبي إحتياجاتهم المالية, طيب إيه المقصود بالمنتجات المالية او الخدمات المالية:الشمول المالي و الاقتصاد

الموضوع بيتلخص في كل التعاملات المالية اللي  بتتم  بره إطار البنوك  انها تخلص جوه البنوك!!

الفكرة انك تخلي كل المنتجات المالية دي بتمر بقنوات شرعية و واضحة و معروفة ومتسجلة وفيه Control  عليها وده كله بيتم من خلال السيستم الرقمي المقرر تطبيقة بشكل أشمل و أوسع من خلال البنك الدولي

واللي بتقول انه لازم ان يحصل رقمنه لكل الخدمات المالية عشان تبقي كلها متراقبه ومتصله ببعض ومرصودة وده عشان يوصل الشمول المالي للناس النائيه يعني اللي صعب الحكومة توصل ليهم سواء شركات صغيره أو افراد في أماكن بعيده عن المناطق المركزية والمساعده دي بتكون عن طريق :

-البطاقة أو الهوية الالكترونية وده سَهل جداً أن اي حد يقدر يفتح حساب بشكل سهل وبسيط عكس زمان, كانت في إجراءات ورقية كتيرة تخلي الموضوع أصعب وعائق أمام أي حد حابب يلجأ في تعاملاته للبنوك .

-تحويل كل المدفوعات النقدية بشكل عام إلي شكل رقمي وده يخلي ناس أكتر تتعامل عن طريق البنوك.

-الخدمات المالية اللي بتعتمد علي الموبايلات وأجهزة الأندرويد الحديثة بتوفر سهوله في الوصول للمناطق النائيه .

-الرقمنة المالية ساعدت في الوصول للعملاء اللي ملهمشي حسابات مصرفية ولأنهم عدد كبير جداً أصبح في بيئة تنافسية بين البنوك واللي بدوره تعتبر وسيلة لتسهيل جميع الخدمات والمنتجات المالية لكل العملاء .

أهداف الشمول المالى بتتلخص في الكام سطر دول :

 -توفير إحتياجات مالية مناسبة هتساعد في رفع مستوي المعيشه و تقليل معدل الفقر وتحقيق النمو الأقتصادي للأفراد وللدولة.

و هو ده اللي بتستهدفه كل البلاد من تطبيق الشمول المالي بنسبة كبيرة, وده اللي نجحت فيه دول كتيرة من الدول العربية فقد توصلت دولة الإمارات لنسبة 84% وبعدها دولة البحرين بنسبة شمول مالي 82% ومن ثم الكويت 73% و المملكة العربيه السعودية بنسبة 69%.

وهنا  بيثبت وجود علاقة وثيقه مابين الشمول المالي والأستقرار المالي :

ببساطة لو كل الشرائح السكانية في كل الأماكن الأساسيه والنائيه في الدولة قدرت توصل لخدمات مالية رسمية وبتكاليف مقبوله, أصبح أن في تدفقات مالية بشكل مستمر وده بيسبب موازنة مابين العرض والطلب أو مابين الوارد والخارج وده لبساطة الوسيط أوالطريقة اللي بتستخدمها كل الشرائح المختلفة في التعاملات المادية (الشمول المالي) ومن هنا نقدر نقر إن مابين الشمول المالي والأستقرار الإقتصادي علاقة قوية جداً

جدير بالذكر أن الأستقرار المالي تم تعريفه من قبل البنك المركزي كالأتي :

أن يكون النظام المالي الذي يتضمن الوسطاء الماليين والأسواق والبنية التحتية للأسواق قادرعلى تحمل الصدمات وتحمل الاختلالات المالية، مما يخفف من احتمالية حدوث معوقات تحول دون إتمام عملية الوساطة

المالية ويضعف إلى حد كبير من تخصيص المدخرات لفرص استثمارية مربحة، وبالتالي يمكن أن يعرف الاستقرار المالي في النظام المالي كمقاوم للصدمات الاقتصادية وذلك لقدرته من خلالها على الوفاء بوظائف الوساطة مثل ترتيبات الدفع

عشان نحقق الشمول المالي في أي دولة الموضوع بيحتاج دراسة للوضع المالي وللخدمات المالية اللي ممكن يحتاجها المواطنين في الدولة دي و تقدر من خلال ده تحط أهدافك ايه من الشمول المالي و لازم أولًا وأخيرًا تضمن الامان وحماية المستهلك عشان يقدر المواطن يثق فيك لأن التعاملات الماديه لازم تكون مبنية علي ثقة الشعب في القطاع المصرفي او المالي 

ده إجمالاً معني الشمول المالي وأهميته وعلاقتة بالأستقرار المالي في أي دولة

سجل معانا في النشرة الاسبوعية ليصلك كل جديد من خدمة الـ business time من hpa