التخطيط طويل المدي لشركتك يتناسب مع 2020 ؟

على المدى الطويل الشركات بتحط خطط و استراتيجيات للادارة بتهدف لحل المشكلات اللي بتواجهها و الوصول لأهدافها العامه, و التخطيط طويل المدى بيشمل الجانب الاجتماعي و الاقتصادي و السياسي للشركه و بيفحص المصروفات الرأسمالية الكبرى مثل شراء المعدات والمرافق ، وينفذ السياسات والإجراءات اللي بتشكل ملف الشركة لتتناسب مع أفكار الإدارة العليا.

و لأن التخطيط طويل المدى بيخطط على الاقل لمدة 5 سنين جايين فده بيستلزم من الادارة مراجعة التخطيط كل فتره و فحص النتائج للتأكد ان الخطه لازالت مناسبه في الظروف الراهنه و بتتماشى مع البيئه المحيطه و تعديل اللي مش بيتناسب مع التطور في الوقت الحالي.

التخطيط طويل المدى اداة لا غنى عنها لأنه بديك وجهة نظر عن كيفية استغلال وقتك في تحقيق اهداف مؤسستك و دي بعض الخطوات لوضع خطه طويلة المدى :

تحديد أهداف واضحة وقابلة للقياس, ده هيساعدك على تطوير رؤيتك عن اللي هتحتاج التوصل إليه في نهاية المشروع.

قسّم أهدافك إلى وحدات أصغر او بمعنى تاني كسر خطتك طويلة المدى لخطط قصيرة المدى تخدمك و ده هيساعدك على تحديد و متابعة الخطوات لتحقيق هدفك النهائي ، وتوضيح الموارد اللي هتحتاجها ، والوقت اللي هتحتاجه لإنجاز كل الخطوات اللي حطتها.

قسم اولوياتك و وزع المهام و الوقت اللازم لأنهاء كل خطوة و متنساش تخصص وقت زيادة للطوارئ اللي ممكن تحصل و تأخرك في انهاء خطوة من الخطوات.

الخطوة الاخيرة هي تحديث خطتك باستمرار, و ده اللي لازم يتم قبل نهاية 2019 راجع خطتك و اتأكد من تناسبها مع ظروف السوق الحالية و تأكد من نتائج السنه دي و انها بتتماشى مع النتائج اللي كنت محددها لنهاية 2019 و انها بتخدم هدفك الاكبر.

و لما تعمل كل ده هتستفيد ايه :

هتقلل المخاطر اللي ممكن تتعرضلها المؤسسه لأن كل شيء مخطط ليه بشكل علمي.

و توزيع التكلفه و ده بيحسن من الموقف المالي للمؤسسه لأن بدل من الحصول على القروض او طلب تمويل بتقدر من خلال التخطيط طويل المدى تتوقع ارباحك و توظفها في انتاج او اقسام جديدة تطور من مؤسستك منغير إضعاف عملياتك الحالية أو مركزك المالي.ده بالاضافه لأنها بتسمحلك باختبار السوق قبل اي قرار هتتخذه.

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.