ارخص اساليب التسويق

لو لسه بتبدأ Startup Business و عايز تسوقله بس معكش Budget كبيره, او لو عندك Business و عايز تزود من التسويق و لكن بدون ما تزود في الـBudget ركز معايا .. دي بعض الوسائل الفعاله بشكل كبير في التسويق أي علامه تجارية و بأقل تكلفه ممكنه

• اعرض منتجك بجودة عاليه و بسعر مناسب :

دايماً خلي منتجك بجودة عاليه علشان العميل اللي يجربه يعجب بيه و يرجع يجيبه مره ثانيه و تبقى كسبت عميل دائم, ده غير ان العميل اللي هيجرب المنتج و يعجبه هيرشحه لدائرة معارفه و الـWord of mouth هي من اكثر اساليب التسويق ثقه بالنسبه للعملاء لأنها بتكون جاية من اشخاص قريبه منهم جربوا المنتج و اقتنعوا بيه, و العلامه التجاريه اللي بتغفل اهمية الـWord of mouth بتضيع على نفسها فرصة الظهور لقاعدة كبيره من العملاء

• اهتم بخدمة العملاء :

الاهتمام بقسم خدمة العملاء هو القاعدة الذهبية اللي هتخليك تقدر تحافظ على عملائك الحاليين و تجذب عملاء جداد, و ده لأن العميل لو حس انه بيتعامل بشكل كويس و باهتمام و تميز ده هيخليه ممكن يعدي اخطاء كثير ممكن تتواجد في منتجك او الخدمه اللي بتقدمها, درب موظفينك على التعامل مع العملاء و الابتسامه في وشهم و الاجابه عن اسألتهم و التعامل مع كل عميل كأنه عميل معروف في الشركه و مميز ” زي Starbucks ما بينادوا على كل عميل بأسمه علشان يدوه احساس بالتميز و الخصوصيه” .

• خليك متواصل مع عملائك بشكل مستمر :

دايماً خليك على اتصال بعملائك من خلال الـEmail و الرسائل على التليفون او رسائل على الـSocial media او من خلال مكالمات خدمة العملاء علشان تفكرهم بعلامتك التجارية و تحسسهم انهم عملاء مميزين.

• خلي اسم علامتك التجارية و بيانتها سهل الوصول ليها :

اهتم بالكروت Business Cards او لو في عربيات بتنقل المنتج يكون عليها اسم العلامه التجاريه خلي اسم علامتك التجاريه منتشر و سهل الوصول ليه.

• رشح علامات تجارية تانيه – غير منافسه – للعملاء :

لما تتعامل مع عملائك دايماً حاول بشكل ودي ترشحلهم بعض الشركات اللي ممكن تساعدعم في اعمالهم او قدملهم خدمات محتاجينها, لأن ده هيخلي الشركات دي بردو ترشحك لعملائهم.

• خلق ميزة تنافسية :

اي منتج او خدمة هتقدمها هيكون ليك منافسين فيها, اوجد لنفسك ميزة تنافسية تسوق لعلامتك التجارية و تعرف العملاء ان منتجك بيتميز بحاجة معينه مش موجودة عند المنافسين و ده بالتالي هيضمنلك Market share اكبر.

ادرس كل مايخص التسويق واساليبه من خلال الـ Marketing Diploma