انزل دوّر على شغل

اساليب التوظيف بتتغير و مع تطور التكنولوجيا التوظيف كان لازم يبقى ليه نصيب من التطور ده, و ده كان السبب في ظهور اسلوب جديد للتوظيف و هو الـOnline Recruitment.

في الفترة اللي فاتت انتشرت المواقع الإلكترونية اللي بتشتغل على التوظيف, و اصبح ليها شهرة واسعة و عددها بيزيد كل يوم, يا ترى ايه مميزات و عيوب المواقع دي للشركات و للافراد ؟

بالنسبة للشركات فأهم ميزة بتكون ان الـOnline recruitment هو ارخص ادوات التوظيف, فهو بيخلي ادارة الموارد البشرية تحتاج لعدد موظفين اقل لقبول السير الذاتية و دراستها و ده بيقلل من ميزانية التوظيف و الطباعة و النسخ و بيسهلها لأن التقديم بيكون عن طريق الأنترنت.

الانترنت بيسهل على الـRecruiter معرفة ثقافة المتقدم للوظيفة و هل هتناسب الشركة ولا لأ من خلال صفحات التواصل الاجتماعي زي Twitter و Facebook و LinkedIn و ده بيخلي الموظف اللي يتعين يكون الانسب ثقافة الشركة و بيقلل من الحاجة لعمل اختبارات نفسية و ظرفية للمتقدمين.

و الـOnline recruitment بتسهل تحليل السير الذاتية من خلال الـKeywords و ده يخلي المرشحين اللي بيتطابقوا مع الـKeywords دي ليهم فرصه اكبر للترشيح لـInterview, و بيتم تحديد الـKeyword دي على اساس المهارات اللي بيتطلبها كل وظيفة.

و من عيوب الـOnline recruitment انه الاعتماد على صفحات التواصل الاجتماعي للمرشحين للوظائف بيحتمل الخطأ لأن صفحات التواصل الاجتماعي صعب تكون مقيس لثقافة الاشخاص.

ده غير ان موظفي الموارد البشرية لو غير مدربين على الـOnline recruitment ده هيؤدي لخسارة مرشحين كتير ممكن يكونوا مؤهلين بالاضافة لخسارة اموال اكثر من اللي كان هيتم توفيرها عن طريق الـتوظيف الالكتروني.

بالاضافة الى ان الاجيال ثقافتها و لغتها بتتغير و ده بيخلي الاعتماد على Keywords في البحث عن مرشحين للوظائف ممكن يضيع على موظفين الموارد البشرية فرصة ايجاد مرشحين بكفاءة و مهارة عالية لكن مستخدمين مرادفات اخرى للـKeyword اللي بيبحث عنها فريق التوظيف.

في النهاية الـOnline recruitment هي اداة بتسهل عملية التوظيف بشكل كبير و لكن من الصعب الاعتماد عليها بشكل كلي, ده بالاضافة الى ان من الضروري ان فريق التوظيف اللي هيشتغل على الـOnline recruitment لازم يكون متدرب عليها بشكل دقيق علشان يقدر يستفيد من مميزاتها و يتلاشى عيوبها.

و لأننا عارفين ان تعيين موظف امر مش سهل hpa بتوفر لشركتك خدمة الـrecruitment اللي من خلالها هنتحمل احنا كل عملية التوظيف بداية من نشر الوظيفه  واجراء المقابلات لحد ما نوصلك افضل الكوادر المختاره  والمناسبة لبيئة العمل الخاصة بشركتك و بنفضل مسئولين لمدة 3 شهور عن الموظفين و مسئولين عن إيجاد بدائل في حالة عدم استمرارية الموظف او عدم كفائته.