Customer Psychology

دايماً بنلاقي مصطلح الـ Customer Psychology مرتبط بالـMarketing, و ده شئ طبيعي لأن علشان التسويق ينجح لازم تدرس سيكولوجية العميل علشان تقدر توصله رسالتك بالطريقه المناسبه ليه.

بس الحقيقى أن أى حد بيحتك فى شغله بالعملاء لازم يكون فاهم نفسية عميله و إلا حيفقد فرص حقيقية لتحقيق أرباح .. فمش الناس اللى شغالة فى التسويق بس اللى لازم يفهموا نفسية العميل .. ده المبيعات و خدمة العملاء و صاحب العمل شخصياً لازم يكون فاهم كويس أوى عميله بيفكر إزاى …

بشكل بسيط سيكولوجية العميل هي دراسه بتقوم على معرفة ايه الدوافع اللي بتشجع العميل على الشراء, او ايه اللي بيجذب العميل لتفضيل علامة تجارية عن غيرها. و نتيجه لده تفهم دماغ العميل و تقدر تجذبه للمنتج او الخدمه اللي بتقدمها بشكل افضل.

ازاي بتتم دراسة سيكولوجية العميل – Customer Psychology :

عمل ابحاث السوق – Market research:

المتخصصين في مجال الCustomer Psychology بيقضوا وقت طويل في دراسة السوق و المستهلكين, تحديد الجمهور المستهدف و فهم دوافعه و تحديد خصائصه زي متوسط الاعمار و الحاله الاجتماعيه و المستوى الاقتصادي و بعدهي يبدأ في تحديد افضل طريقه للوصول للعميل.

تطوير رسائل التسويق:

في المرحله دي بيبدأ الباحثين في دراسة كيفية تطوير رسائل التسويق و تعديلها بشكل يناسب طبيعة و خصائص العملاء المستهدفين.

دراسة سلوكيات العملاء:

و ده بيكون من خلال الاستطلاعات و الاستبيانات و الاسئله المباشره للعملاء و ده بيكون بهدف التعرف بشكل اكتر على طبيعة العميل و كيفية التأثير على سلوكه الشرائي.

و الأمر بيكون صعب لو هتقوم بتطبيقه على مجموعات كبيره و بيفضل انه يتم على عينات اصغر لتقديم بيانات اوضح و اكثر دقه.

مراقبة سلوك العميل اثناء الشراء:

مراقبة عينه من المستهلكين و لمعرفة كيفية تفاعلهم مع منتجك, مثال لو عملية الشراء بتكون Online تقدر تعرف طريقة تفاعل الجمهور من خلال طرح سؤال عن الخدمه في الWebsite و اذا كان في اي عوائق او مشاكل واجهتهم اثناء عملية الشراء.

هيبدأ العملاء يوضحولك مشاكلهم مع الWebsite مثلاً انه نسخة الموبايل مش شغاله او التأخير في تحميل الصفحات و المشاكل المتكررة بتبدأ تحلها.

بشكل عام التسويق بيتم لجذب العميل, و سيكولوجية العميل هي اللي بتعرفك افضل وسيلة تجذب بيها العميل و لو اتبعتها بتضمن بشكل كبير وصول رسالتك التسويقيه بشكل يأثر في العميل تأثير ايجابي.

اعرف اكتر عن سيكولوجية العميل – Customer Psychology و سجل معانا في كورس Customer Psychology المقدم من hpa و هتعرف كل حاجه خاصه بسلوكيات العميل و ازاي تستغلها في مجالك.