job evaluation

job evaluation و الطرق الخاصه بها

لما نقرر نعمل الـ job evaluation  فى الشركة لازم نكون عارفين اهميتها و ان بيعتمد عليها كذا حاجه

 فلازم و احنا بنعملها نكون متاكدين ميه فى الميه اننا بنعمل الـProcess   بطريقه صحيحة . طبعا الـ job evaluation مابتتعملش بستمرار فلازم  نراعى اننا بنعملها بطريقه سليمه عشان بنشتغل عليها فترة و بتتغير لما يحصل تغيير جذرى فى الشركة للوظايف او اي  updates.

و فى اكتر من طريقه نقدر نعمل من خلالها الـ job evaluation و هنا هنشرح بعض الطرق اللى ممكن نعمله على اساسها:

Ranking method او عن طريق ترتيب الوظايف:

و الطريقه دى بتكون من أسهل الطرق للتطبيق بحيث انها بتعتمد على تصنيف الوظيفه حسب أهميتها, يعنى بمعنى اوضح ان الوظيفه اللى بتكون فى المقدمه بتكون ذات قيمه عاليه اما من حيث التدرج الوظيفي أو من حيث الأهميه, بس الطريقه دى بتكون سهله و فعاله أكتر فى الشركات الصغيرة اما الشركات الكبيرة بيكون فيها الوظايف معقده أكتر و بنضطر نلجأ لطريقه تانيه.

The classification method (Grading method) او طريقه التصنيف:

و دى بتكون مشابهه شويه للطريقه الأولى من حيث المفهوم بس دى فى الأساس بتعتمد على إننا بنصنف الوظايف مجموعات زى مثلا

-المجموعه 1 تكون فئه المديرين: و توضع فيها كل الوظايف الإداريه العليا

-المجموعة 2 تكون فئه المتخصصين: و دى مثلا بيكون  تحتها  المهندسين, الدكاتره إلخ

-المجموعة 3 تكون فئه العمال: و دى العاملين فى تخصصات مختلفه

و هكذا. التصنيف ده بيتحدد في  كل شركة حسب الموظفين اللى موجودين وطبيعة العمل .

و  المشكله هنا اننا بتكون عدم تحديد نقط معينة او مهارات معينه لكل مجموعة من الوظايف بالعكس بيتم التصنيف علي حسب التخصص بس .

Factor comparison method or Point method او طريقه تحديد النقاط:

و دى من اكتر الطرق المستخدمه فى عمليه الـ job evaluation  اللى هي بتكون عن طريق تحديد عوامل رئيسيه لكل وظيفيه و لكل عامل منهم يتم تحديد عدد من النقاط و على اساس تحديد مجموعه من النقاط بيتم تحديد لكل وظيفة مرتبه معينه او شريحه معينة , يعنى مثلا:

-عامل المهاره: هيكون موجود من خلاله اكتر من نقطه ممكن نقييم على اساسها الموظف زى مثلا ( الابداع – حل المشكلات – …… ).

-عامل المسئوليه: و دى كمان بيكون موجود بداخلها اكتر من نقطة بيقييم على أساسها.

و هكذا يصنف اكتر من عامل لتجميع نقاط لكل وظيفه و يتم من خلالها تحديد المرتبه للوظيفه.

اما بقي بالنسبه لعمليه الJob Evaluation نفسها دى بتكون من خلال خطوات نحاول نتبعها و هى:

Gaining acceptance او ان احنا نحاول نلقى استحسان:

ده اننا نشرح و نوضح الهدف من عملنا الـ job evaluation للمديرين و بنوضح الفايده منه و ده بيساعدنا فى اننا نقدر نكمل شغل علي باقى الخطوات.

Creating job evaluation committee او عمل لجنه لتقييم الوظيفه:

و دى بتكون من خلال اننا بنجمع لجنه او مجموعه من المختصيين فى الوظايف اللى عايزين نعملها تقييم بحيث يكون كل فرد او مجموعه مختصصه و متمكنه من الوظيفه اللى شغاله عليها.

Finding the jobs to be evaluated يتم اختيار الوظايف المراد تقييمها:

و الخطوه دى بنقدر من خلاها اننا نقلل فى التكلفه لو قدرنا نحدد الوظيفه الرئيسيه و الأهم اللى محتاجين نقييمه.

و الخطوه دى بنقدر من خلاها اننا نقلل فى التكلفه لو قدرنا نحدد الوظيفه الرئيسيه و الأهم اللى محتاجين نقييمه.

Analyzing and preparing job descriptions إعداد و تحليل الوصف الوظيفى:

و دى بتكون خطوة أساسيه فى اننا نكون عارفين مطلبات و عمل كل وظيفه.

Selecting the method of evaluation او أننا نختار الطريقه الناسبه لتقييم:

و ده بيكون من خلال الطرق اللى كنا اتكلمنا فيها اننا نعرف ايه الطريقه الأنسب لشركتنا و اللى هنقدر من خلالها عمل Job Evaluation  مظبوط .

الـ job evaluation  من الحاجات المهمه الصعب الاستغناء عنها  لانها بتبقي زي البنيه التحتيه اللي بنبني عليها الاساسات .

أعرف اكتر عن طرق الـ job evaluation و طرق تطبيقها عمليًا من خلال الــHow To Build pay structure

سجل معانا في النشرة الاسبوعية ليصلك كل جديد من خدمة الـ business time من hpa