الموضوع بيبدأ بنجاحك في شغلك , نجاحك في تنفيذ المهام الطبيعية اللي بتنفذها يوميًا وتطويرك الملحوظ في مناخ العمل على المستوى الشخصى (زيادة مهاراتك) وتاثيرك فى باقى اعضاء الفريق المحيط بيك وهنا بتبدأ الادارة في تسليط الضوء عليك و بتتنقل من مرحلة موظف عادي لمرحلة انك تكون مدير.

مدير جديد في الشركة يعني التركيز كله معاك .

ازاي تكون مدير ناجح بقي وانت جديد وتقدر تتنقل من مرحلة المنفذ بنفسك لمرحلة المدير ؟!

مبدئيا في  خطأ شائع بتقع فيه اغلب الشركات و هو غياب مرحلة  الانتقال من منفذ الى مدير ( Transition from doer to a manager)

وده اللي بيدفع ثمنه المديرين الجدد وهو ان بيتم انساب الفشل في الادارة ليهم وليس لسوء تخطيط الشركة وعدم ادراكها لمرحلة الـــــــ Transition from doer to a manager

المرحلة دي بيتم فيها عدد من العمليات الي بتمر بيها بتؤدي لنجاح مرحلة الانتقال من منفذ الي مدير من ضمنها:

– تمكينك من صلاحيات الادارة.

-اختيار الافراد المفوض إليهم.

– تحفيز الفريق .

-متابعة الاداء .

-مشاركة النجاح مع افراد الفريق كاملًا.

وللاجابة علي السؤال ده  ” ازاي تكون مدير ناجح ؟” لازم تركز في المراحل دي :

1-التمكين من صلاحيات الادارة:

هنا بتبدأ إدارة الشركة من تمكين الموظف ليصبح مدير وتبدأ دعمة بصلاحيات اكتر لمساعدته فى القيادة بشكل يتناسب مع القواعد العامة للادارة بالشركة

في مرحلة التمكين لازم تكون مدرك تمامًا انك مجبر علي التغير. بشكل عام لازم تعرف ايه اللي الادارة متوقعاه منك بعد ما بقيت مدير وتعرف انت بامكانياتك تقدر تعمل ايه وتعرف ان هيتم تغير العلاقات بينك وبين افراد الشركة وتتعامل مع افراد جديدة في الشركة (اصحاب القرار بالشركة) .

2- مرحلة اختيار الافراد المفوض إليهم:

في المرحلة دي بتقوم بفحص فريقك ومؤهلاتهم وتبدأ تتأكد هل فريقك بيمتلك المؤهلات الكافية علشان تفوضلهم اعمالك اللي كنت بتقوم بيها قبل الترقية, او إن يكون في نقص فى المهارات المرتبطة بتنفيذ المهام وبالتالى هتحتاج تدريبهم بنفسك علشان يكونوا مؤهلين للقيام بالمهام الاساسية مكانك او ممكن تحتاج تعين موظفين جدد لتحقيق اهداف المؤسسة. بعد ما تختار الاشخاص المفوضين وتبدأ توكل إليهم المهام بنتنقل للمرحلة اللي بعد كده وهي:

3- تحفيز الفريق:

 حاول انك تحفز فريقك دايما علي الابداع وانهم يخرجوا من منطقة الامان والتنفيذ الروتيني لمهامهم وده بيكون من خلال انك تستقبل افكارهم واقتراحاتهم و تحسن منها عشان توصل لتحقيق الانتاج والاهداف المطلوبة من ادارتك, تقدر كمان تخلق جو من المنافسة الودية والتحدي وتكافئ الاداء المتميز لان ده هيحفز الفريق اكتر ومش شرط يكون عن طريق المال ممكن يكون التقدير والثناء والترقيات هي السبب الرئيسي في التحفيز كمان لازم تذكر نجاح موظفينك امام الادارة و لو حدث خطأ تتحمل جزء من مسئولية الخطا ده بنفسك ده هيشجعهم علي الابتكار والتطوير.

4- متابعة الاداء :

هتحتاج انك تتابع اداء فريقك على فترات مناسبة وده من خلال اجتماعات مناقشة الاداء وكمان تأخد اجراءات تصحيحية فى حالة انخفاض الاداء عن المتوقع ده هيخليك دايماً عارف الجزء المتبقى او الاداء المطلوب لتحقيق هدف ادارتك.

5- مشاركة النجاح مع جميع افراد الفريق:

مشاركة النجاح مهمة جداً لانها بتحفز الفريق على تحقيق الاهداف القادمة.   

كمان لازم تذكر ان النجاح ده تم بسبب العمل كفريق وان بدون العمل الجماعى مكنتش الادارة هتوصل للنجاح ده.

لو عاوز يوصلك كل جديد عن مجال الادارة بشكل عام اعمل Subscribe واحنا هنبعتلك كل جديد

Highly Professional Advisor

Marketing team