ايه الـ HR Analytics ؟

يمكن يكون مصطلح جديد شويه على الـ HR .. الاول نعرف ايه هو الـ HR Analytics و ايه اهميته وليه مهم اننا نستخدمه .

الـHR Analytics هو تطبيق الـanalytical processes  في الـ HR  و ده لتحسين و تطوير الـ performance  و بالتالي  الـ ROI هيعلي ….. فى الحقيقة مش مهم بس بالنسبه للى شغالين فى الـ HR انما هو كمان مهم لكل الادارات.

و الـ HR Analytics بيساعد علي تحليل كل خطوه بنعملها عشان نقلل احتمالية حصول اي مشكلة و بيساعدنا نطور من اداء الموظفين لان لما بيبقي عندنا تحليلات الـ performance و ايه اللى ممكن يتعمل او ايه لازم يتطور طبعا هيوفر علينا وقت و قرارات ممكن تتاخد بشكل خاطيء لعدم توفر المعلومات .. يعنى بمعنى اصح بيساعدنا نعرف نتايج كل حاجة بتتعمل او اتعملت يعني مثلا قرارات التوظيف اللى بتاخدها بتكون صح بنسبه قد ايه .

الـHR Analytics  بتخلينا ناخد القرارات بناءاً على  data و reports  و تحليلات لـ activities  و عشان كده بتقلل بنسبه كبيره اتخاذ القرارات الخاطئه .

انواع الـ Analytics هو اربع انواع هنحاول نوضحهم شويه بشكل بسيط و نشوف ازاى كل نوع بيترتب على اللى قبله

• اول نوع هو الـ Descriptive analytics او التحليل الوصفى :

و ده مرتبط اكتر باللى حصل بمعنى انه بيراجع معانا اللى حصل و بيانات الموظفين والادارات فى الماضى و كانه بيعمل حصر لكل البيانات اللى فى الشركة او فى الادارة اللى عايزين نتابع فيها الاداء و تطويرها

• تانى نوع هو الـ Diagnostic analytics او التحليل التشخيصى :

و ده بيترتب على اللي قبله انه بيبدا يحلل البيانات اللى جمعناها عشان يعرف اللى حصل من مشكلات و اسببها و ايه اللى حصل الفترة اللى فاتت اذا كان من تقدم او تتدهور.

• تالت نوع هو الـ Predictive analytics او التحليل التنبؤى :

و ده زى ماقولنا انهم كلهم بيترتبوا على بعض خلينا نقول انه مرتبط بالاتنين اللى قبله لانهم بيساعدوا انه يتنبأ بالمستقبل فى الشركة و المخاطر اللى محتمل حدوثها عشان يحد شويه من المخاطر دى.

• رابع نوع هو الـ Prescriptive analytics او التحليل المسبق :

و النوع ده مش منتشر اوى او مش مستخدم كتير لان هو بعد مابيعتمد على التحاليل المسبقه بيبدا يحللها و يحاول يحط حلول و بيقترح اكتر من حل ممكن يسهل عليك المستقبل.

من الواضح ان الـ HR Analytics  مش مهمه بس للـ HR لأ دي بتفيد الشركة بمعلومات عن الـ business  و الموظفين و تساعد في اتخاذ قرارت مصيريه .و بالتالي  لازم نهتم الفترة الجايه بالـ HR Analytics عشان هتبدا تسهل علينا الشغل و تطوير الشركة و الموظفين.