متخليش اي Deal كبير يروح منك

البيع B2B مش سهل، و لكنه مربح لأن غالباً ما بيعتمد على صفقات كبيرة و مبيعات ضخمة عكس البيع للافراد و علشان كدة التعامل معاه لازم يكون بحرص شديد، و لأننا يهمنا انك كـSales person تتميز في شغلك هنقولك بعض النصايح اللي ممكن تساعدك في عمليات البيع الكبيرة.

• خليك مستشار مش بياع :متخليش اى صفقه كبيره تروح منك

دايماً حسس العميل انك Consultant انت بتشوف احتياجه ايه و بتقدمله المشورة ان ايه اللي ممكن يسد الاحتياج اللي عنده من المنتجات او الخدمات اللي انت بتقدمها، مش مطلوب منك تعرض كل المميزات اللي موجودة في المنج او الخدمة لكن مطلوب منك تسمع العميل محتاج ايه و تعرفه على المميزات اللي هتسد احتياجه ده، لأن في النهاية عمليات البيع الكبيرة بتخلي العميل متردد من الشراء و لازم ياخد القرار بحذر.

 فدايماً حسسه انك مش هدفك البيع و انك كل هدفك تساعده، اديله وقت يفكر، ساعده في اتخاذ القرار بدون ضغط، و اشرحله المميزات بشكل واضح.

• ادرس عميلك كويس :

في انواع كتير للبيع, و عمليات البيع الكبيرة من الانواع المعقدة اللي بتطلب من مراحل كتير علشان تقدر في النهاية تبيع، و علشان كدة اهتم دايماً بدراسة عميلك، اعرف مشاكلة ايه و خليك عندك خبرة اكبر منه في كيفية حل المشاكل دي، علشان تقدر تحسسه ان منتجك هو طوق النجاة اللي هيحلله مشاكلة بشكل عملي و سريع.

كل ما العميل حس انك عارف مشكلته ايه، كل ما بقى عندك فرصة اكبر لأقناعه علشان كدة خليك دايماً مخصص وقت لداراسة العملاء و طبيعتهم و المشاكل اللي بتواجههم.

• العميل اللي بتبيعله مش هو الوحيد اللي في ايده قرار الشراء :

كل ما حجم عملية البيع كبر لازم تدرك ان الشخص اللي بتبيعله مش هو الوحيد اللي هياخد قرار الشراء لأن الـB2B بيكون بين شركات و الصفقات الكبيرة اللي بتتم لازم لازم اكثر من شخص بياخدوا القرار فيها، فخلي ده دايماً في الحسبان.

بالرغم من انك مش عارف عدد اللي هياخدوا القرار اد ايه, ولا عارف هما مين, و حتى لو الشخص المسئول قدامك اكدلك انه هو صاحب القرار، دايما تعامل على انك بتبيع لمجموعة اشخاص علشان في النهاية متسمعش جملة ” احنا قررنا نمشي في اتجاه تاني”  لأن احنا دي دايماُ بتعود على مجموعة الاشخاص اللي اتخذوا القرار و انت معملش حسابهم.

دي بعض النصايح اللي هنكملها في الـBlog الجاي، و لكن في النهاية اعرف ان البيع مش بس موهبة هو كمان دراسة و بيتطلب منك ابحاث كتير عن انواع العملاءو التفرقة بينهم علشان في النهاية تقدم لكل عميل اللي هو محتاجه.متخليش صفقه كبيره تروح منك

اعرف كل جديد عن علم الـ Sales من خلال دراستك للـ Sales Diploma