فن تحقيق التارجت

لتحقيق التارجت متعة ميحسش بيها غير اللي بيحب السيلز و بيبذل فيها مجهود و بيصبر كتير علشان يحقق تارجته, و بما اننا وصلنا لشهر 12 و “موسم تحقيق التارجت ابتدى” خلينا نتكلم في شوية نقط هتسهل عليك تحقيق التارجت.

اولا : صغر التارجت لنفسك :

لو التارجت بتاعك 100 الف جنيه في الشهر, قسمه على 30 يوم هيكون حوالي 3300 جنيه, لو نازل كل يوم هدفك تحقق 3300 جنيه غير لو نازل شايل هم تحقيق 100 الف جنيه.

ثانياً : اوعى تنسى  الـFollow-up:

لو دايماً بتعمل Follow up مع المعلاء بتوعك ده هيساعدك في البيع بشكل كبير لأن العملاء اللي اتعاملوا معاك قبل كده و راضيين عن المنتج او الخدمة اللي بتقدمها هيبقى سهل عليك تجذبهم ليك تاني و هتوفر لنفسك وقت كبير, و العميل اللي تعاملت معاه و مقدرتش تبيعله لأن الوقت مش مناسب مثلا لما تتواصل معاه بشكل دوري “منغير زن” و تشوف هل غير رأيه ولا لا ده هيحسسه انه عميل مميز و هيشجعه انه يشتري.

ثالثاً : زود على نفسك التارجت :

بمعني لو تارجتك 100 الف تعامل على انه 120 الف, و قسمه على الايام زي ما قولنا في اول نقطه, ده هيساعدك في تحقيق مبيعات اكتر و تتميز, و هيساعدك ان الفتره اللي متقدرش تحقق فيها مبيعات جامدة هيكون الحد الادنى بتاعك هو 100 الف “التارجت الاساسي بتاعك” يعني بردو هتبقى محقق, و هيساعدك لو التارجت اليومي اللي انت مقسمه محققتوش كله تقدر تعوض لأنك بالفعل حاسب التارجت بزيادة.

رابعاً: اتأكد انك ماشي صح :

رجل المبيعات الشاطر هو اللي يراجع كل شوة قاعدة بياناته و يتأكد انها مناسبة للمنتج او الخدمة اللي هو بيبيعه, دايما تابع تفاصيل عملائك لو مثلا بتبيع عقارات انت اكيد محتاج مستوى مادي معين لعملائك تأكد باستمرار ان العميل اللي بتكلمه خصائصه مناسبة لمنتجك او خدمتك علشان متضيعش وقت مع عميل عمره ما هيشتري.

في النهاية التارجت مش كابوس, التارجت تحدي و التارجت قبل ما يتحدد بيتدرس كتير من الادارة علشان يكونوا ضامنين انك كموظف تقدر تحققه.

اعرف كل جديد عن علم الـ Sales من خلال دراستك للـ Sales Diploma