دراسة سلوك المستهلك

دراسة سلوك المستهلك

السر فى رائحة القهوة – دانكن دونتس

عارفين الحدوتة بتاعت دانكن دونتس فى كوريا الجنوبية…

سلسلة محلات دانكن دونتس اللى فى كوريا الجنوبية كانت عايزة تزود مبيعات القهوة فيها ..

لكن ده كان صعب نظراً لإنتشار أماكن بيع القهوة فى كل مكان و كمان لأن دانكن معروفة بأنها بتبيع دونتس مش قهوة

المهم الناس بتوع دانكن ابتكروا فكرة ظريفة أوى ,فى أتوبيسات كوريا الجنوبية و قرب محطة وصول الأتوبيس بيشغلوا إعلان لدانكن و يرشوا رائحة القهوة ., فلما الناس بتنزل المحطة بيروحوا لأقرب فرع دانكن و يشتروا القهوة .

تصوروا بقى أن الحيلة نجحت و مبيعات دانكن دونتس اللى فى كوريا الجنوبية للقهوة  إتضاعفت

إسمه إيه ده بقى اللى عملته سلسلة محلات دانكن ….

ده اسمه دراسة سلوك المستهلك, و دى من أهم الدراسات اللى لازم تتعمل قبل ما نفكر نسوق لأى منتج, لازم نكون فاهمين وعاملين دراسة سلوك المستهلك اللى هيشترى الخدمة أو المنتج بتوعنا …

فريق التسويق الشاطر بتاع دانكن دونتس حلل سلوك المستهلك فى كوريا الجنوبية و لقوا إن أغلبهم بيشتروا القهوة بعد خروجهم من البيت و قبل دخولهم الشغل , فخلوا الإعلان يشتغل فى الأتوبيس و مش فى البيت ولا فى الشغل …

كثير من الشركات بتقع فى خطأ إنها تطلع بفكرة منتج حلو و تبدأ فى إنتاجه بدون عمل دراسة لسلوك المستهلك اللى حيدفع و يشترى المنتج ده , وللأسف المنتجات دى بالرغم من إنها بتكون جودتها عالية إلا إنها ممكن تكون بتتباع فى المكان الغلط للناس الغلط و فى الوقت الغلط .

فى النهاية قبل ما تبيع سلعة .. اعمل دراسة سلوك المستهلك.

معلومه بسيطه عن دانكن دونتس :

ويليام روزنبرغ هو مؤسس الفكرة و مؤسس خدمات الأغذية و كان بيوصلها بنفسه للمنازل ، بدأ في مشروعه الأول وهو عمل استراحة خفيفة للقهوة عام 1946، و كان المشروع  ناجح و عجب ناس كتيرة جدا ، بعد ذلك افتتح مشروع قهوه دونات ، وبردوا عجب الناس و عمل إقبال كبير فبعدها بعام قام بإنشاء أول فرع الدونات، و اللي سماه The Open Kettle و كانت النوع دعه من المشاريع سنويا بيكون عليها إقبال كبير أكثر من العام اللي قبله، وفي خلال أربع سنوات كان تم افتتاح خمس فروع لها و ضاف ليها منتجات جديدة.

فريق التسويق في Dunkin Donuts نجح في فكرته لأنه اهتم بدراسة سلوك العميل اللي بيعرفك ازاي تجذب العميل بأفضل وسيله و ده اللي بتعرفه في كورس  الـCustomer Psychology اللي بنقدمه في hpa.

اعرف اكتر عن خدمات الماركتينج من hpa للشركات والافراد من خلال Marketing hub