🏆بطولة إفريقيا 2019 بعيون البيزنس

بطولة افريقيا – تنزانيا

هنتكلم النهارده عن عن تنزانيا اخر فريق في المجموعة التالته اللي ماتشاتها بتتلعب علي ستاد الدفاع الجوي في القاهرة.

جمهورية تنزانيا الاتحادية دولة موجودة في شرق وسط أفريقيا وحدودها الشرقية بتقع على المحيط الهندي وعاصمتها الرسمية والسياسية دودوما من سنة 1996 وقبل كده كانت العاصمة السياسية هي دار السلام ولغاية دلوقتي دار السلام هي المدينة التجارية الرئيسية وفيها اغلب المؤسسات الحكومية وعدد سكان تنزانيا وصل حوالي 61 مليون نسمة حسب اخر احصائية  لموقع https://www.populationpyramid.net في 2019 .

العملة 💵 :

العملة المحلية اسمها الشلن التنزاني وهو العملة الرسمية من سنة 1966 وهي السنة اللي استقلت فيها تنزانيا عن بريطانيا وبيستخدم الشلن التنزاني في كل المعاملات التجارية داخل تنزانيا وسعر الدولار الأمريكى الواحد يساوى 2,300 شلن تنزاني .

الاقتصاد 📊 :

✔️ اهم الصادرات المصرية لتنزانيا: السكر – الزيوت النباتية – المنتجات البترولية وزيوت التشحيم – صلصة الطماطم – كربونات الكالسيوم – التمور –  البرتقال – الأسمدة  – الأدوية و مستحضرات التجميل – الكيماويات والمبيدات الحشرية.

✔️ اهم الواردات المصرية من تنزانيا: الجوت – الصمغ العربى – التبغ – البن – الشاى – الفلفل الأسود والبهارات مثل القرنفل .

✔️ اهم واردات تنزانيا بشكل عام : مواد كيميائية – منتجات نفطية  – الات نقل .

✔️ اهم صادرات تنزانيا بشكل عام : البن – القطن – الشاي – التبغ – القرنفل .

✔️ فرص الاستثمار المتاحه في تنزانيا: البنية التحتية – الانشاءات – الاستشارات الهندسية – التطوير العقاري – الصناعات الجلدية .

✔️ ابرز الشركات المصرية العاملة في تنزانيا: المقاولون العرب – السويدي الكتريك .

✔️حجم الصادرات المصرية لتنزانيا وصل حوالي 32 مليون دولار في 2018 بنمو 12 % مقارنة ب 2017 اللي وصل حجم الصادرات فيها حوالي 29 مليون دولار بانخفاض

نمو -4% ” الارقام حسب خريطة الصادرات المصرية لهيئة تنمية الصادرات المصرية”

✔️ حجم الصادرات المصرية لتنزانيا في شهر مارس 2019  وصل  2 مليون دولار  ” الارقام حسب خريطة الصادرات المصرية لهيئة تنمية الصادرات المصرية” .

فريق عمل الأستشارات لدى hpa يستطيع تقديم  اوجه الدعم للشركات و المستثمرين من خلال خدمات سلاسل الامداد و التوريد و الخدمات المالية و الادارية المقدمة من قطاع الاستشارات