ادارة المعرفة

Knowledge management

بالنظر لأهمية المعرفة للكفاءة والإنتاجية ، من المهم أن المنظمات تقدر تدير معارفها بفعالية.

 إدارة المعرفة هي أي نظام بيساعد الأشخاص او الموظفين في أي مؤسسة على مشاركة المعلومات والوصول إليها وتحديثها, و لأن المعرفة بقت هي الاساس لأي شركة و بقينا في عصر “اقتصاد المعرفة” و حوالي 74 % من المؤسسات شايفة ان التخصصات الفعالة لإدارة المعرفة بتزيد من إنتاجية الشركة بنسبة تتراوح بين 10 و 40%.

إدارة المعرفة ليها أشكال مختلفة. و من الأمثلة الرائعة على الممارسة الفعالة – ولكن البسيطة – هي Geisinger Medical Group. بعد تطوير قوائم المراجعة للأطباء لاستخدامها في اجراء العمليات الجراحية ، انخفضت تكلفة الجراحة 2000 دولار لكل مريض ، وعانى المرضى من مضاعفات أقل بعد الجراحة.

المعرفة هي واحدة من أهم أصول الشركات. و بالرغم من كده ، هتلاقي ان المعرفة غالبًا بتكون غير موثقة ، و صعب الوصول ليها ، وبتتعرض لخطر الاختفاء, فالموظفين بيستقيلوا او يتقاعدوا و بيخدوا معاهم سنين من المعرفة المتعلقة بالشركة. في نتائج استطلاع للرأي نشر في كتاب “Critical Knowledge Transfer” ، قال 53 % من المشاركين أن التكاليف المتعلقة بالمعرفة لفقد الموظفين الرئيسيين تتراوح ما بين 50 ألف دولار و 299 ألف دولار لكل موظف.و 11 % قدرت أنه كان أكثر من 1 مليون دولار. و الباقيين من مقدروش يقدموا رقم ، لأنهم شايفين إن التكلفة “لا حصر لها” أو “لا تقدر بثمن”.

ايه اهمية الـ Knowledge management ؟

• هتاخد المعلومات اللي انت محتاجها بشكل اسرع.

لما تكون المعلومات سهل الوصول ليها ودقيقة ، فهي بتقلل من مقاطعة الموظفين لبعض في وسط الشغل.و هيقضي الموظفين وخاصة فرق الدعم وقت أقل في الإجابة على الأسئلة المتكررة ، و ده بيسهل عليهم التركيز على العمل الأكثر أهمية والأكثر ربحية.

• وجود غلطات اقل.

“التاريخ بيعيد نفسه” في البيزنس زي كل جوانب الحياة التانية. لما يشارك الموظفين المعلومات ممع بعض ، فمش هيتم تكرار نفس الاخطاء, و لو حصل خطأ هتقدر تعرف ازاي الشركة تتعامل معاه بشكل صحيح.

• اخذ قرارات على اساس المعرفة المتوفرة.

لما بيشارك الموظفين خبراتهم ودروسهم المستفادة والبحث عن نظام معرفة قابل للبحث ، بيكون سهل على باقي الموظفين الوصول للمعلومات ومراجعة أجزاء متعددة من البيانات ووجهات النظر المختلفة قبل اتخاذ القرارات.

• تقديم خدمة أفضل للموظفين والعملاء.

إدارة المعرفة الفعالة بتسهل على فرق الدعم حل طلبات الموظفين والعملاء بسرعة وبشكل صحيح.

من المهم وضع إستراتيجية مش بس لكيفية تخزين الشركة ومشاركتها للمعرفة ، ولكن كمان ازاي هتشجع الموظفين هما كمان يعملوا الشيء نفسه.