News Jacking

عالم التسويق الالكتروني Digital Marketing مليان بالفرص اللي تعتبر خارج الصندوق, اللي لو ال Marketer استغلها صح بيقدر يستفيد بيها للتسويق للBrand  بتاعته.

مؤخراً ظهر مصطلح ال News Jacking, و المصطلح ده بيطلق على اسلوب إنك تستغل حدث يكون Trending  وتربطه بالمنتج بتاعك وتسوق لنفسك من خلال الحدث ده، ولكن مع مراعاة إن استغلالك للحدث ده لازم يكون بشكل سريع وتكون من أوائل البرندات اللي اتكلمت عنه.

الNews Jacking  بتسهل على الناس التعرف على المنتج اللي انت بتقدمه من خلال ربطه بأحداث بتحصل على ارض الواقع و لافته نظر الناس.

و من اشهر العلامات التجاريه اللي استخدمت ال News Jacking هي Dunkin Donuts اللي استغلت الجدل اللي اتثار في سنة 2015 بعد ظهور صورة لفستان على جميع مواقع التواصل الإجتماعي والناس قعدت تسأل عن لون الفستان؟ وماحدش كان متأكد هو الفستان ده لونه أبيض ولا أزرق ولا دهبي ولا أسود؟  

وقتها استغلت Dunkin Donuts الTrend و نشرت Tweet بتقول

“مش مهم لونها أزرق ولا أبيض ولا دهبي، المهم إن طعمها لذيذ!  “

التويت دي حصلت على أكتر من 3000 ريتويت، بالإضافة للـ Engagements اللي حصل من ال Users. 

و ده بيوضح نجاح اسلوب ال News Jacking مع اللي بيستغله صح.

ازاي تستغل الاخبار المتداوله في ال News Jacking ؟

مراجعة الموضوعات و الاخبار المتداوله (ذات الصلة وغير ذات الصلة بمجالك).

ابحث و اتأكد من صحة الخبر قبل النشر.

تصيغها بشكل خاصة بيك و بمنتجك عن طريق إظهار أهمية أفكارك الخاصة في القصة.

قم بعمل المحتوى الخاص بيك في أسرع وقت ممكن من أجل الحصول على معظم الفوائد من ال News Jacking.

استخدم اسلوب الCall to action في نهاية الخبر, علشان تولد لمنتجك قاعده جماهير جديده.

انشر المحتوى الخاص بيك في مواقع التواصل الاجتماعي لزيادة المشاركة واستمرار المحادثة.

الذكاء في صياغة الخبر هيساعدك على الترويج لمنتجك بشكل كبير جدا, بل و كل ما كان الخبر جذاب كل ما هيجيب Shares على الSocial Media توصله لعدد كبير جدا من الجماهير الغير متوقعه.

و دايما افتكر ان التزامك بالقواعد دي هيساعدك تستغل اي Trend لصالحك و تسوق لمنتجك بأسهل و ابسط طريقه.

ولو عايز تعرف اكتر عن الـNews Jacking و التسويق الالكتروني سجل معانا في كورس الـDMC- Digital Marketing Certificate المقدم من hpa اللي هيعرفك كل اللي يخص التسويق الالكتروني و احدث اساليبه و ازاي تستغله في مجال شغلك بالتحديد.