Market research

 وعلاقتة بعم سيد

على اول الشارع بيقف عم سيد كل يوم الصبح يحضر فرشته و يرتب عليها الخضار بشكل عشوائي و تبدأ الزبائن تتلم حوله و يشتروا أحتياجاتهم اليومية من الخضروات و يستمر عم سيد بوشه البشوش في الضحك و الهزار مع زباينه بس الزبائن مبتجيش تاني .. ليه ؟

ياترى, ايه السر اللي ممكن يخلي زبائن عم سيد يستمروا في زيارته ؟

عم سيد لو اتبع خطوة مهمه جداُ للتسويق لنفسه و لمنتجاته و هي إبقاء العملاء الحاليين و الحفاظ عليهم, و أهتم بأسلوب عرض منتجاته, و قدر يدرس السوق بشكل علمي و عرف سلوكيات وأنماط حياة زباينه و قدر يطور من شغله و من أسلوب بيعه و تسويقه للمنتجات, اكيد ارباحه هتختلف لأنه بدل من اعتماده على البيع لأشخاص بيمروا من قدامه بالصدفه هيخلق زبائن دايميين ليه عارفينه و بيجيبوا منه مخصوص لأنه بيلبي ليهم أحتياجاتهم.

و هي دي أهمية دراسة السوق Market research.

ايه أهمية دراسة السوق؟

 الـ Market research أو دراسة السوق بتعرفك مين عملائك الحاليين والمحتملين و مين منافسيك وليه المستهلك بيشتري المنتج, العلماء بيحاولوا يتعرفوا على العمليات المعرفية الأساسيه اللي بتشرح خيارات المستهلكين و كيفية أستجابتهم لتأثير السوق, والمحفزات الخارجية اللي بتقنع العملاء بشراء منتجات معينه على سبيل المثال عم سيد لو قرر انه يعمل Delivery أكيد هيوسع قاعدة عملائه لأنه هيقدملهم خدمه هما محتاجينها هتخليه عنده ميزه تنافسيه عن اي حد تاني بيبيع خضار.

• بيهتم مسؤلين التسويق بمعرفة النتائج اللي توصت ليها دراسات السوق لأنها هتساعدهم في معرفة أفضل الطرق لجذب اعملاء و لبيع المنتج.
• مطورين المنتج بيهتموا بدراسة السوق علشان يعرفوا احسن سبل التطوير في المنتجات لسد أحتياجات العملاء.

قصة عم سيد بتوضحلنا ضرورة التطوير و الدراسه, و ان التسويق القائم على أساس الشطارة و الفطره فقط صعب يستمرلأن العميل أحتياجاته بتطور طول الوقت و المنافسه كبيره, فلازم ندرس الـسوق و سلوكيات العميل علشان نوصل للعميل بالصورة اللي تجذبه و نطور منتجاتنا بالشكل اللي العميل منتظره و ده مفتاح استمرار النجاح.

و سجل معانا في الـMarketing diploma   اللى هتدرس فيها جزء كامل عن سلوك و نفسية العميل

و ازاي تستغلها في عمل خطط تسويقية صحيحة.