KPIs = The Right Track

من اهم الحاجات اللى بتشغل  الـHR  هي  الـ KPIs ودى اللى  بيتحدد على اساسه حاجات كتير للموظف منها ترقيات و علاوات و بيجبر الـHR انه يراجع  يتاكد من ان الـ  KPIs  اللي بيتم وضعها لكل  الادارات محددة بشكل مظبوط و سهل قياسها لان من خلالها  بيتحدد قرارات مصيريه .

و لمدير كل ادارة دور مهم في تطبيق الـ KPIs   مع الـHR   لان المفروض الـHR مش لوحده هو المسئول عن تطبيقها بالعكس المديرين دورهم مهم اوي لان  هما  اللى بيكونوا شايفين اداء الموظفين  و لو في مشاكل في الاداء او في تحقيق اهداف الشركة بيكون هو اكتر حد بيساعد الموظفين في تخطي المشاكل و تحقيق الـ KPIs.   بس دور الـHR  انهم يدربوا المديرين علي كيفيه وضع الـ KPIs  بشكل سليم و كيفيه قياسها و انهم ماشين علي خطي سليمه في تحقيق.

اللى بيتحط الاول قبل الـ KPIs  هي الـ KPOs  الي هي  Key performance objectives  و منها بيكون لكل ادارات دور لتحقيق الـ objectives  دي و كل ادارة علي اساسها بتحط  الـ KPIs   للـ team بتاعها من خلاله نقدر نتابع الاداء بتاع  الكل و نشوف هل إدارات الشركة كلها ماشيه لتحقيق   الـ KPIs  و لا لأ .

بيكون فى نوعين من الاهداف اللى هما الاهداف الكمية و الاهداف الكيفيه:

الاهداف الكميه: و هو الاهداف اللى بيتم قياسها  زى مثلا الارباح او المبيعات إلخ

الاهداف الكيفيه : و دى بتكون اهداف مفيش امكانية لقياسها بارقام زى مثلا اداء الموظفين إالخ

الـ KPIs بتقيس :

Measuring numbers او قياس الارقام:

زى مثلا اعداد المنتجات اللى تم بيعها او اعداد عملائنا  قد ايه 

Measuring progress او قياس التقدم:

اننا نقدر نحدد اد ايه احنا اتقدمنا او نسبه اكتمال مشروع معين او نسبه تقدمنا سنويا 

Measuring change او قياس التغير:

دى بتكون زى زياده المبيعات فى الشركة بيتكون قد ايه

و احنا بنحط الـ KPIs لا زم الـ KPIs تكون SMART  و احيانا يفضل SMARTER :

S: Specific ان الهدف اللى عايزين نوصله لازم يكون محدد.

M: Measure اننا نقدر نقيس مدى التقدم لتحقيق الهدف.

A: Attainable ان الهدف يكون سهل تحقيقه او اننا نوصله بس لازم يكون طبعا فيه. Challenges

R: Relevant و طبعا لازم يكون ليه علاقه بالشركة و تخصصها.

T: Time-frame و لازم يكون فى فترة زمنيه محدده.

E: evaluate مهم بردوا اننا نقدر نقيمه.

R : reviewed اننا نقدر نرجع نتناقش فيه و نعدل عليه.

و لازم كمان يكون فى ال KPIs  موضحه النقط دى:

1- الشغل اللى محتاجه

2- النتيجة اللى عايز احققها هى الـOutcome

3- تاريخ تسليمه  

4- لازم يتحدد فيه جوده العمل ده او كميتة لو هو منتجات 

ادرس بشكل علمي وعملي مع hpa