ازاي تبدأ في مجال المحاسبة ؟

مجال المحاسبة من المجالات اللي مينفعش الشغل فيها بدون دراسة، و لكن مشكلتها في مصر هي ان عدد خريجين المحاسبة كبير جداً و كل موظفين الـHR عندهم عدد لا نهائي من الـCV’s لخريجين محاسبة بيدوروا على شغل علشان كده احنا في hpa هنقولك ازاي تبدأ شغلك في مجال المحاسبة بخطوات سليمة تفيدك و تخلقلك فرص عمل مناسبة.

• دور على Internships :

اثناء دراستك او حتى بعد تخرجك لو كان متاح، دور على Internships في شركات كبيرة تثقل من الـ CV بتاعك و تفيدك في حياتك المهنية, لأن دي هتكون اول خطوة هتاخدها علشان تحط رجلك في الحياة العملية و تشوف تطبيق دراستك طوال فترة الجامعة بيتم بشكل عملي ازاي على ارض الواقع، ده بالاضافة لأنك لو قدرت تتميز اثناء الـ Internship من المحتمل انك تحصل على وظيفة بشكل دائم داخل الشركة، علشان كده طول مدة وجودك في الشركة حاول تاخد اكبر كم من الخبرة.

• الخبرة :

الخبرة العملية بتتحسب بعدد السنين اللي اشتغلتها في المجال، علشان كدة متضيعش فرصة العمل في مجال المحاسبة حتى لو بمرتب ضعيف و في شركة صغيرة و ده لأن سنين خبرتك في المجال هي اللي هتفتحلك الطريق للوظيفة المناسبة اللي بتدور عليها و اهتم بتعلم اعمال المحاسبة الورقية.

.

• الشهادات المعتمدة :

دايماً اسعى للحصول على شهادات معتمدة في مجال المحاسبة و ده لأنها بتكون شهادات دولية معترف بيها بترفع من خبرتك بشكل كبير و بتطور من مناهجها كل فترة علشان تناسب سوق العمل الحديث و بتأهلك للعمل في الشركات الـ Multi nationals و بتفتحلك فرص عمل حقيقية، و الشهادات المعتمدة بتتميز بأنها متاحة لكل الخبرات فتأكد ان مع تطورك في الشغل تطور من الشهادات اللي بتحصل عليها لأن ده هيعلي من المناصب اللي بتشتغل فيها في وقت اسرع.

• التكنولوجيا :

نظراً لأن التكنولوجيا دخلت في كل المجالات اعرف ايه الادوات التكنولوجية او البرامج و السوفت ويير اللي ممكن تحتاجها في مجال المحاسبة و اسعى انك تتعلمها علشان تسهل شغلك

IFRS Certificate لجمعية المحاسبين القانونيين المعتمدين ACCA المقدمه من hpa اول وكيل تعليمي ل ACCA في مصر و شمال افرقيا.

Related Blogs