طبيعة المنتج

اي منتج في التسويق بيعدي بنفس المراحل اللي هي Product life cycle او دورة حياة المنتج, بتبدأ بمرحلة التعريف Introduction و دي اللي بتبدأ فيها تعرف العملاء بتوعك بالمنتج اللي بتقدمه و طبيعته و ايه اللي بيميزة, و بعدها بتبدأ مرحلة النمو Growth و هنا بيكون المنتج بدأ يتعرف و المبيعات بتزيد بشكل تدريجي, فبتبدأ بتكثيف الدعاية علشان تكبر قاعدو العملاء المحتملين, و بعد كدة بتدخل في مرحلة النضوج Maturity بيكون المبيعات وصلت فيها للذروة, منتجك معروف و ليه عملاء دائمين و اصبحت قادر على المنافسة بقوة, و بعد فترة من الاستقرار تدخ في مرحلة الهبوط Decline و هنا بتبدأ مبيعاتك تنزل تاني, اما بسبب المنافسة الشرسة, او التغيرات اللي بتحصل في السوق او اي سبب تاني.

و كل المراحل دي ليها طرق تساعدك في الاستقرار و العبور من كل مرحلة بسلام و ضمان نسب مبيعات كويسة لمنتجك, و كل مرحلة بيختلف فيها اسلوب التسويق عن المراحل التانية, و علشان تعرف ازاي تسوق للمنتج بتاعك في كل مرحلة لازم الاول تفهم طبيعة منتجك.

انت كـMarketer المنتجات عندك هتتقسم لـ 4 انواع اساسيين :

منتجات الرفاهية Convenience Products

منتجات التسوق Shopping Products

المنتجات المتخصصة Specialty Products

منتجات غير مطلوبة Unsought Products

• منتجات الرفاهية Convenience Products :

هي منتجات او خدمات استهلاكية بتسهل على العميل حياته و سهل انه يشتريها, العميل بيشتريها بشكل مستمر و بجهد قليل, و الطلب على المنتجات دي بيكون مستمر طول الوقت, بتتباع بكميات قليلة و باسعار منخفضة.

مثال : الاكل, منتجات النظافة, الادوية.

• منتجات التسوق Shopping Products :

لشراء المنتجات دي ، المستهلكين جهد و وقت كبير. لأنهم بيقارنوا الأسعار والميزات و بيشارك القريبين منع في التفكير قبل ما ياخد قرار الشراء, و بتتميز المنتجات دي ان بيكون مخطط ليها من بدري قبل الشراء, و بيكون سعرها عالي.

مثال : الالكترونيات والأثاث والمجوهرات

• المنتجات المتخصصة Specialty Products :

المنتتجات دي المستهلكين بيبذلوا جهد خاص لشرائها, بيكون الطلب علها محدود جداُ و اسعارها مرتفعة.

مثال : أي عمل فني أو لوحات أو منحوتات.

• منتجات غير مطلوبة Unsought Products :

هي منتجات او خدمات المستهلك مش بيطلبها, و لكن بيتم شرائها نتيجة لشطارة الـSales person اللي بيعرض على العميل مميزات المنتج, و مش بيكون مخطط لشرائها.

مثال : بوليصة التأمين, بطاقات الخصم, و المنتجات الجديدة تماماُ.

و سجل معانا في الـMarketing diploma   اللى هتدرس فيها جزء كامل عن سلوك و نفسية العميل

و ازاي تستغلها في عمل خطط تسويقية صحيحة.