التواصل ما بين المدير و الموظف

التواصل ما بين المدير و الموظف

بمجرد كونك مدير سواء First line او Middle او Top level او حتى Team leader مسئول عن عدد من الموظفين ده بيديك مسؤليات اكبر و اثقل من ضمنها مسئولية التواصل مع موظفينك بشكل فعال, و ده بيتطلب منك فهم بعض النقط اللي هنكلمك فيها علشان تقدر تتواصل مع موظفينك و تخليهم يحققوا الاستراتيجية اللي انت شغال عليها بشكل دقيق.

• جمع موظفينك بشكل اسبوعي :

خليك حريص ان يكون في Meeting اسبوعي بينك و بين الموظفين يفكرهم بالاهداف اللي المفروض توصلولها و تتناقشوا في اي صعوبات بتواجههم في تحقيق الاهداف دي علشان تقدر بشكل سريع توجدلها حل, و تديهم فرصه يستفسروا عن اي حاجة مش واضحه, ده هيساعد في تحقيق الاهداف الموضوعه بشكل سلس اكتر و متابعة الخطوات اللي تم اتخاذها لتحقيق الاهداف دي.

و علشان الـWeekly meetings دي تتم بأفضل شكل يستحسن انها تبعد عن الاطار الرسمي نسبياً, فيكون في فرصة لكل موظف انه يعبر عن نفسه بدون خوف.

• اهتم بالإجتماعات الفردية (1:1s):

لأن في بعض الموظفين بيكون صعب التواصل معاهم في الاجتماعات الاسبوعية بيفضل ان يكون في بشكل دوري اجتماعات فردية توفر لكل موظف مساحة اكبر في التواصل مع المديرين و الاستفسار و النقاش فى كل ما يخص الشغل و ده بيؤدي فى النهاية لأدراك المدير طبيعة كل موظف بشكل فردي و معرفة افضل الطرق للتواصل معاه و تحفيزة.

• خلي موظفينك دائماً مدركين الوضع الحالي :

بشكل مستمر وضح لموظفينك الوضع الحالي للمؤسسة, كتير من المديرين بيعتقدوا ان ده مش صح و لكن اثبتت الدراسات ان 25% من الموظفين اللي بيسيبوا شغلهم بيكون بسبب انهم مش شايفين الصورة الكاملة و عندهم احساس انهم مُهملين و متسابين في الجانب المظلم ميعرفوش اي حاجه عن وضع شركتهم.

10% فقط من الموظفين اللي اجريت عليهم الدراسة قالوا انهم مدركين الوضع الحالي لشركتهم.

4 من كل 5 موظفين اكدوا انهم بيفضلوا انهم يكونوا متطلعين اكتر على اوضاع الشركة بشكل مستمر.

و اكثر من 90% قالوا انهم بيفضلوا يسمعوا اخبار وحشة عن انهم بيسمعوش اخبار خالص.

و ده بيثبت انك تخلي موظفينك على علم باستمرار باوضاع الشركة ده مش بس بيحسن التواصل بينك و بينهم لكنه كمان بيبني ثقه و بيحسسهم بمشاركتهم في تحقيق اهداف الشركة.

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.