ترند الالوان في التسويق

ترند الالوان في التسويق

اللون هو خاصية بسيطه بس ليها تأثير قوي على اي رساله بتقدمها, بيرسل للمتلقي مجموعه من المشاعر ممنغير ما تستخدم اي صور او كلمات, و علشان كده هنتكلم عن الالوان الـTrendy في التسويق لعام 2020.

بحسب موقع Shutterstock اللي توقعان في 3 الوان هيكونوا Trend سنة 2020  و هم :

Lush Lava

FF4500#

مزيج رائع بين اللون البرتقالي و الاحمر, وهو لون Catchy و بيجذب الانتباه بشكل سريع لون و بيوحي بالسعادة و الصحه الجيدة و الحب في الثقافة الاسياويه, و هو اداه رائعه لأي شركه بتهدف للفت الانتباه لعلامتها التجاريه بشكل فوري.

Aqua Menthe

#7FFFD4

مزيج بين اللون الاخضر و الازرق, لون مشرق و هادي و مثالي لتمثيل شخصية مرحة و حديثه, بيعبر عن المتعه و العلامه التجاريه العصريه.

Phantom Blue

#191970

لون فخم و ثري, بيفكرنا بلوحة فان جوخ Starry Night و بالاجواء الدرامية و القمر, و الاوان الغامقه بشكل عام بتوصل احساس بالاستقرار والجدارة بالثقة والتطور.

لون متميز بمفرده و رفيق مثالي للالوان الزاهيه زي Lush lava و  Aqua menthe.

و ده هو ترند الالوان في التسويق لسنة 2020  حسب موقع Shutterstock, طيب ليه هي مهمه في التسويق ؟

خليني اقولك مثال .. لما اقولك كلمة حب هتفكر فيها بشكل عاطفي عكس لما اقولك كلمة باب كلمة حب هتستجيب ليها بشكل عاطفي اكثر, و سواء حبينا ده او لا و لكن العواطف قويه و سهل تتحكم في القرار الشرائي للعميل, و لأنك مش هتقدر تحكي للعميل قصة العلامه التجاريه بتعتك فهتقدر من خلال الالوان اللي بتستخدمها تعبر عن هوية العلامه التجاريه دي, و تقدر توصل للعميل رساله من خلال الالوان, سواء الوان اللوجو او الالوان المستخدمه في المحل و المكان اللي بيتعرض في المنتج او الخدمه, او الالوان المستخدمه في الاعلانات او الـOutdoors و الـFlyers و غيرهم من ادوات التسويق اللي بتلفت نظر العميل لعلامتك التجارية.

و الالوان ملهاش قاعده ثابته علشان تستخدمها و انت بتختار الوان علامتك التجاريه, ركز دائماً على الرساله اللي حابب توصلها للعميل, و ابحث عن اكثر لون بيمثل الاحساس اللي حابب توصله للعميل حسب ثقافتك و ثقافته و البيئه المحيطه بيكم.

و سجل معانا في الـMarketing diploma   اللى هتدرس فيها جزء كامل عن سلوك و نفسية العميل

و ازاي تقدر توصل العميل لرضاء كامل عن شركتك