مهارات القيادة

معظمنا لما بيجي يكتب الـCV بتاعة بيجي عند جزء الـSkills و يكتب مهارة القيادة.

يا ترى ايه هي مهارات القيادة ؟ و هل هي عندك فعلاً ؟

ده هنوضحة من خلال النقاط التالية واللى بيقوم بيها القائد :

• القائد بيخلق رؤية للمستقبل.
• بيشجع و يحفز العاملين علشان يحققوا الرؤية دي.
• بيدير الوصول للرؤية بتاعته.
• بيدرب و يبني فريق يقدر على تحقيق رؤيته.

و هنتكلم عن كل نقطة من دول بالتفصيل :

• الرؤية :

في البيزنس, الرؤية هي هدف عايز توصلة بيتبنيها و بتحدد اولوياتك و بتوجه نفسك و العاملين معاك نحو الرؤية اللي تم تحددها و بتعتبر مقياس للي وصلتوله و هل حققتوا الرؤية دي ولا لأ, و لو لأ يبقى ليه؟ علشان تحل العوائق اللي كانت السبب في عدم تحقيق الرؤية.

و ده بيوضح إن القيادة لازم يكون فيها جانب تحليلي علشان تحلل الوضع السابق و الحالي و تحدد على اساسه رؤية مستقبلية

• التحفير:

يعتبر الاداه اللي بيستخدمها القائد لتشجيع العاملين على تحقيق الرؤية اللي وضعها, على سبيل المثال, عند بدأ مشروع جديد بيكون في البداية سهل تحصل على حماس العاملين معاك لكن بعد فترة بيبدأ يتلاشى الحماس ده خصوصاً لو المشروع الجديد بيتطلب عمل كثير و تغيرات كبيرة و هنا لازم القائد يدرك المشكلة دي ويقدر يستمر في تشجيع العاملين و يربط المشروع الجديد بمكاسب شخصية هما هيكسبوها او يستفيدوا منها في حالة اتمام المشروع ده.

• الادارة:

القائد لازم يتأكد طول الوقت ان العمل المطلوب لتحقيق الاهداف بيتم حسب التوقيت المطلوب و بالجودة المطلوبة و لازم يدير و يتابع سير الاعمال, و ده ممكن يقوم بيه القائد بشخصه او من خلال مديرين بيعينهم يتابعوا و يبلغوه بالمستجدات و ده ميمنعش ضرورة متابعته للعمل معاهم.

• التدريب :

من ضمن اعمال القائد هو انه لابد من اشرافه على تدريب العاملين بشكل دوري علشان يقدروا يواكبوا التغيرات اللي بتحصل في العمل, و يقدر ياخد منهم اقصى استفادة و يحسن من مهاراتهم علشان يحققوا الرؤية.

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.