سر اللوجو الناجح

سر اللوجو الناجح

الانطباع الاول بيدوم .. و الانطباع الاول عن علامتك التجاريه  بيكون من خلال شكل اللوجو, فلو انت شايف ان اللوجو بتاع شركتك كويس انصحك تعيد حساباتك, لأن ده معناه انه مش كويس.

اللوجو الكويس او المقبول ده شئ غير مجدي و مش هيسيب اي انطباع او صوره ذهنيه عند العميل .. اللوجو الكويس بجد هو اللوجو المميز.

اللوجو بتاع اي Brand علشان ينجح لازم يبقى مميز و يخطف العين, مين فينا يقدرش يميز لوجو Pepsi او KFC و غيرهم من اللوجوهات اللي لو شفتها منغير اسم بردو هتعرفها.

طيب ايه السبب اللي بيخلي اللوجو مهم كده ؟

خليني اقولك, ان هو مش سبب واحد هما اكتر من سبب.

• جذب الانتباه :

اللوجو المميز هيشد انتباه العميل لمنتجك, لو منتج جديد بلوجو مميز هيشجعني اجربه.

كتير من المنتجات بتكون بجوده عاليه جدا لكن شكلها مش بيشد العميل و ده لأن اصعب خطوه هي انك تلفت نظر العميل لتجربة منتجك لأول مره, لو قدرت تشده لمنتجك و جربه هيقدر جودة المنتج و يبقى عميل مستمر لمنتجك.

و علشان تشجع العميل انه يجرب منتجك لازم تشده بلوجو مميز, لو قدرت تعمل كده يبقى ضمنت عميل دائم ليك, منتجات كتير بجوده عاليه نزلت الاسواق و اتسحبت تاني و محدش عرف عنها اي حاجه بسبب انها ملفتتش نظر العميل.

عايز تبقى اد المنافسه .. خلي اللوجو من اولوياتك.

• الانطباع الاول :

الانطباع الاول هو فرصه بتجيلك مره واحده, لازم تستغلها صح.

اللوجو هو اول حاجه بيشوفها العميل في منتجك و بيكون انطباع اول من خلالها, لو استغلتها غلط تبقى ضيعت شريحه كبيره من العملاء.

• هوية علامتك التجاريه :

الBranding بيتبني على قصه بترويها العلامه التجاريه بداية القصه بيكون باللوجو من خلال الديزاين و الالوان المستخدمه و تكملة القصه بيكون من خلال الSlogan او الشعار.

اكسب عواطف العملاءمن خلال اللوجو و الشعار, علشان تخلق هوية لعلامتك التجاريه.

• علامه مرئيه = لا تنسى

اي شئ بصري ملفت بيثبت في الذاكره, الاسامي و الشعارات سهل تتنسي لكن اللوجو هو الش امرئي اللي لو لفت نظر العميل مش هيقدر ينساه و هيثبت في ذاكرته.

للسبب ده الBrands المعروفه بتحط اسمها في اللوجو علشان يثبت في الذاكره مع شكل اللوجو زي Coca-cola.

دلوقتي جه دورك .. بعد ما عرفت اهمية اللوجو لعلامتك التجاريه انضم لينا في كورس ABC Marketing المقدم من hpa علشان تعرف كل المبادئ الاساسية للتسويق.