أهمية تعلم تسويق المحتوى فى 2019

15133 عدد الناس اللي بتشتغل في تسويق المحتوى في مصر علي حسب موقع  LinkedIn  

السؤال بقي : يعني ايه كتابة محتوى او تسويق المحتوى ؟

بداية ظهور مصطلح ” تسويق المحتوى” كانت في 1996 من جون ابيدال في سنة 2014 نشرت مجلة فوربس عن سبع طرق مفضلة الشركات في التسويق من ضمنهم التسويق بالمحتوى وان في عام 2013 ارتفع استخدام تسويق المحتوى في الشركات بنسبة من 60% إلى 93%.

ازاي تكتب محتوي دائم مش وقتي ويستمر في التسويق لنفسة بدون اي جهد اضافي مبذل من اتجاهك؟ , مبدئيًا المحتوى يمثل أكثر من 90% من يومنا

فالمحتوى هو عبارة عن كل حاجة موجودة في حياتنا اليومية , كل منتج متواجد حواليك بدايته محتوى , وصف اي حاجه بيكون عبارة عن محتوى ,اعلان بتشوفه في التلفزيون بدايته Script  مكتوب علي ورق يعني بدايته محتوى , اعلان في الشارع متمثل في صورة ظاهرة قدامك بدأت بمحتوى موصوف انتهت بصورة  , وطبعًا الاغنية محتوى والفيلم والمسلسل اكيد محتوى, المجلات ,المقالات ,والكتب وغيرها من مظاهر مختلفة تظهر أهمية كتابة المحتوى التسويقي

 يعني محدش فينا يقدر ينسى مسرحية “العيال كبرت” ومدرسة المشاغبين “

رغم ان المحتوي الخاص بالمسرحية قديم الا انه حتي الان يتم تسويقه بين الأشخاص بشكل تلقائي ومستمر وهنا نقدر نقول ان  المحتوي الجيد لا يموت ويستمر في تسويق نفسه  وده الاساس في كتابة المحتوى

عشان تقدر على كتابة محتوى تسويقي لازم تفهم معناه

Traditional marketing and advertising is telling the world you’re a rock star
Content Marketing is showing the world that you are on
Robert Rose

ده من افضل التعريفات اللي تم ذكرها عن تسويق المحتوى و عشان تبني استراتيجية التسويق بالمحتوى لازم تجاوب في البداية عن الاسئلة دي :

1- ازاي هتعرف توصل للناس اللي بتعمله وتبسطه ليهم ؟
2-ازاي الناس تهتم بالخدمة او المنتج المقدم من شركتك ؟
3- ازاي الناس تلاحظ انك مختلف ؟
4- ازاي الناس هتكون راضية عن اللي بتقدمه لهم ؟

لو عرفت تجاوب علي الاسئلة دي هتعرف تحط استراتيجية تسويق بالمحتوي مرنة ومناسبة للمشروع لو معرفتش تجاوب علي كل سؤال منهم بطريقة مناسبة وواضحة اعرف ان في مشكلة في استراتيجية التسويق بالمحتوى بتاعتك ولازم تعالج المشكلة دي وعلاجها بالاجابة المناسبة علي الاسئلة .

فالسؤال هو بداية الحل .

Highly Professional Advisors
Digital Marketing Team