لو هتختار بين البيع اونلاين او اوفلاين .. فكر كويس.

اسواق البيع اصبحت ضخمة و التنافس كبير و للزم تختار الاستراتيجية و الاساليب اللي هتبيع بيها .. طيب هتبيع

البيع اونلاين او اوفلاين

البيع Online انتشر بشكل كبير الفتره دي و مستمر في الانتشار اكثر و عملاء كتير بدأت تلجأله بس قبل ما تتهور و تاخد القرار اصبر .. البيع Offline لازال هو الاكثر شعبية في مصر, و القرار لازم تاخده بعناية و بعد دراسة طبيعة منتجك و طبيعة عملائك علشان توصل لأنسب قرار.

فمثلاً لو انت لسه بتبدأ Start-up Business يفضل تبدأ Online لو طبيعة منتجك تسمحلك بكده, و جه هيكون نوع من تجربة السوق اللي من خلالها هتقدر تقيم تعامل و تقبل العملاء لمنتجك قبل ما تتجه لفتح محل او مقر ليك.

خلينا نتكلم عن طبيعة البيع اونلاين او اوفلاين علشان نسها عليك تحديد الأنسب ليك.

الـ Online sales:

• يُفضل تبدأ بيه مشروعك, فهو نقطة انطلاق هائله لو تناسب منتجك, لأنك مش هتحتاج مخزون كبير, و هتكون تكاليف الإنتاج اقل, و هتوفر فواتير الإيجار و المرافق و الصيانة, و ده هيهل عليك البداية.
• من وجهة نظر العميل هو خيار رائع لأنه بيتيح ليه المقارنة بين المنتجات و وقت اطول لإتخاذ القرار.
• بتدي للعميل فرصة انه يستعرض منتجاتك في اي وقت و اي مكان من خلال الإنترنت, و بيشعروا بحماس اكبر عند الشراء لأنه بيتحمس لما ياخذ قرار الشراء و بيتحمس مره تانيه لما المنتج يوصله.
• بيسمح ليك انك تجمع بيانات عن عملائك و عن اهتماماتهم لأستخدامها في تطوير منتجك و عمل قاعدة بيانات للعملاء تقدر تلجألها في وقت تاني.
• لو معندكش موقع فعلي ممكن يكون صعب على العملاء التعرف على نشاطك التجاري, علشان كده بتحتاج تتستثمر اكثر في التسويق الالكتروني علشان تخلي منتجك و صفحتك او موقعك الإلكتروني معروفين و موثوقين من الجمهور.

الـ Offline sales:

• لازال هو الاسلوب السائد و المفضل عند معظم العملاء, لأن بيمكن العميل من الاطلاع على المنتج و لمسه و تجربته و التأكد من جودته و من انه مناسب لإحتياجات العميل.
• بيسهل عليك جذب انتباه العملاء من الشارع و التفاعل معاهم بشكل شخصي و ده بيوفر مبالغ كبيرة في التسويق علشان تعرف عملائك على علامتك التجارية.
• السئ في وجود محل للبيع هو المبالغ الباهظة المدفوعة للموظفين و الصيانة و الفواتير و غيرهم من المصاريف اللي بتوفرها في البيع الإلكتروني, لكن ده ميمنعش ان البيع التقليدي بيوفرلك قاعدة عملاء اكبر.
• لو موقع محلك مش كويس ده هيمثلك مشكله كبيرة, لو اخترت مكان مش بيجذب العملاء اللي انت محتاجهم, او فتح جانبك علامة تجارية منافسة حولت اهتمام الناس عن علامتك التجارية, و غيرها من المشاك اللي ممكن تواجهك بسبب موقعك.

في الوقت الحالي بقى الشائع للعلامات التجارية اسخدام اسلوبين البيع اونلاين او اوفلاين علشان توصل و تلبي رغبات عدد اكبر من العملاء, و في النهاية الامر متوقف على طبيعة منتجك او الخدمة اللي بتقدمها و انسب اسلوب لتقديمها للعملاء.

اعرف كل جديد عن علم الـ Sales من خلال دراستك للـ Sales Diploma