Influencers مؤخراً بدأت علامات تجارية كتير تستخدم مشاهير الـSocial media في اعلاناتهم على التليفزيون .. ايه السبب و هل الـInfluencers ممكن يكون ليهم دور في الـOffline marketing؟

في مرحلة التخطيط لأي حملة اعلامية لابد من دراسة المنتج و السوق و الجمهور اللي هتوجهلة الرسالة, و من هنا بيظهرلنا ان كل الحملات الإعلانية اللي لاستخدمت مشاهير الـSocial media استخدمتهم في حملات موجهه للشباب, وي الاعلان الاخير لشركة “اتصالات” اللي استخدم عدد كبير جداً من مشاهير مواقع التواصل الاجتماعي و استخدم جملهم الشهيرة زي “5000 اهم يا صحبي”, “مسا النعناع و الليمون” علشان يجذب الشباب لنظام باقات انترنت معمولة بشكل اساسي للشباب.

طيب با ترى الـMarketer اللي قرر يستخدم الـInfluencers قرر ده على اساس ايه

اي Marketer هيعمل Plan  بياخد شوية نقط في الاعتبار من اهمها اهتمامات الجمهور اللي بيستهدفه و طبيعته و الناس اللي بيتابعهم و بما ان الشباب دلوقتي اهتماماته منصبه بشكل اساسي على الـSocial media هيكون طبيعي ان يتم استخدام مشاهير الـSocial media في الترويج للعلامات التجارية و ده اسلوب مش اول مرة يتم استخدامة في الفترة دي و بنسبة كبيرة بينجح بشكل كبير في جذب انتباة الشباب.

و ده بينقلنا لنقطة اهم كتير و هي الـPersonal branding .. ايه هو الـPersonal branding ؟

ظاهرة وجود الـInfluences في الاعلانات مبنية على اساس الـPersonal branding اللي عمله الـInfluences دول لنفسهم, و الـPersonal branding هو التروج لشخص ازاي تروج لنفسك و لمهاراتك و لخبرتك و ده اللي بيعمله الـInfluences من خلال المحتوى و الفيديوهات اللي بيقدموها اللي منهم محتوى بيكون هادف و منهم الغير هادف لكن في النهاية هي ظاهرة اتشهرت بشكل كبير في المجتمع, و وصلت الاشخاص دول في الوقت الحالي لكونهم Brand بتلجأ ليهم وكالات الاعلان علشان يظهروا في اعلاناتهم او انهم يعرضوا منتجاتهم لى صفحات التواصل الاجتماعي الخاصة بيهم و يروجوا لمنتجاتهم بمقابل مادي كبير وصل لحوالي 20,000 دولار و المبالغ دي بتكون نظير الاعداد الكبيرة اللي بتابعهم, فكل ما زاد عدد الـFollowers اللي بيتابعوا الشخص ده كل ما زاد المبلغ اللي بياخده مقابل عرض منتجات عنده على الصفحة او ظهورة في اعلان في التليفزيون.

ظاهرة الـInfluences انتشرت و في المؤيدين ليها و في المعارضين, لكن منقدرش ننكر انها اصبحت من ضمن ادوات التسويق اللي ليها مزايا و عيوب , هل انت من المؤيددين للظاهر ة دي ولا لأ ؟