ازاي تبدأ في الماركتنج ؟

لما بدأت شغلي في التسويق مكنتش لسه عارفه انا عايزة اعمل ايه .. غالباً مكنتش فاهمه الكارير ده محتاج ايه بالظبط, و بعد فتره اقدر اعتبر نفسي اخدت فيها خبرة الى حد ما اقدر الخصلكم مجال التسويق محتاج ايه بالظبط علشان تقدر تبدأ فيه.

و قبل ما ابدأ لازم اقولكم ان الوقت عمره ما كان متأخر علشان تغير كاريرك، لو كنت في اي سن من خلال الكورسات و التدريبات تقدر تشتغل في المجال اللي بتحلم بيه دلوقتي و خصوصاً في مجال التسويق اللي اصبح سهل من خلال الكورسات المتوفرة ف كل مجالات التسويق.

في الاول قبل ما تبدأ في مجال التسويق اسأل نفسك ..

هل التسويق مهنة مناسبة ليك؟

 مجال التسويق بيحتاج من الموظفين التفوق في مجالات معينة:

نقل الأفكار والمعلومات بشكل واضح ومختصر ، كتابةً ولفظياً.

يقدر يتعرف على المشاكل ويحط خطة عمل مناسبة لحلها.

ينظم ويفسر البيانات المعقدة.

يولد أفكار جديدة وينظمها بوضوح ويبلغها للآخرين.

لو شايف انك هتقدر تتفوق في المهارات دي يبقى مبروك دي اول خطور تأهلك للعمل في مجال التسويق، الخطور اللي بعدها هي ..

مهارات الاتصال :

علشان تشتغل في الماركتنج لازم تنمي مهارات الاتصال عندك علشان تقدر تتواصل مع عملائك من خلال وسائل اتسويق المختلفه و تقدر تكلم كل وع من انواع الجمهور بالطريقة المناسبة ليه و لبيئته .

مهارات التفكير التحليلي – Analytical Thinking :

التسويق في الاساس معتمد على التحليل و فهم السوق  ده بيتم عن طريث البحث المستمر علشان كده لازم تنمي مهارات البحث و التفكير التحيلي علشان تقدر تحط استراتيجية تسويقية مناسبة للمنتج اللي بتقدمة و الجهور المستهدف.

المهارات الإبداعية :

علشان تتميز في مجال التسويق حتاج يبقى عندك دماغ ابداعية، تقدر تقدم بيها افكار تسويقية مثيرة و مبتكرة و جذابه تشد بيها اعملاء و تلفت نظرهم بشكل ايجابي, و ترفع بيها المبيعات, و تميز عامتك التجارية, علشان كدة القدرة على التفكير خارج الصندوق من اهم مميزات الماركتير المتميز.

 مهارات التفاوض :  

بصفتك جهة تسويق ، هتحتاج تتفاوض مع العملاء بخصوص الميزانيات والجداول الزمنية والتوقعات.

ستحتاج كمان تشتغل مع المصممين والبائعين وغيرهم ، علشان كدة لازم يكون عندك مهارات التفاوض علشان تقدر تتفاوض مع كل الجهات اللي بتتعامل معاها دي و تقدر تحقق افضل النتائج.