ازاي تبدأ في مجال السيلز ؟

وظيفة المبيعات او السيلز هي من الوظائف اللي مهارتها مش بتحتاج دراسة و من اكثر الوظائف المطلوبة، بتحتاج مهارات معينة و عندك تقدر تنميها و تتميز جداً في مجال المبيعات، ايه هي المهارات اللي بيتطلبها شغل السيلز ؟ و ايه انواع السيلز و الفرق بينهم ؟

للسيلز انواع كتير منهم اللي بيحتاج خبرة و منهم اللي ممكن تشتغل فيه بدون خبرة.

 طيب ازاي تبدأ في مجال السيلز ؟

• دور على الشركات اللي مهتمه بفريق السيلز بتاعها و عارفة قيمته، شركة بتستثمر في فريق السيلز بتاعها و بتقدم تدريبات و بتخلي موظفينها على دراية بالبيانات و المعلومات و الارقام اللي من خلالها يقدروا يفهموا اكثر طبيعة الشغل.

اقرأ كل حاجه تيجي قدامك تخص مجال السيلز، فالسيلز مجال واسع و ليه استراتيجيات مختلفه و البيع بيتم على اكثر من مرحلة و بأكثر من طريقة على حسب طبيعة المنتج او الخدمة اللي بتقدمها و طبيعة العميل و اراء كتير ببتكلم عن طرق البيع و اززاي تخاطب كل نوع من انواع العملاء و ازاي تحدد نقط القوة في منتجك و تستغلها لصالحك كل ما هتقرا هتقدر تستوعب اكثر من استراتيجية تسهل عليك شغلك

• خلي هدفك مساعدة العميل مش البيع، فكر و افهم و اعرف ازاي المنتج بتاعك ممكن يحل مشكلة العميل، البائعين المحترفين هما اللي بيقدروا يعرفوا احتياج العميل ايه و منتجهم او الخدمة اللي بيقدموها دي هتحل مششكلة العميل ازاي، فبيكون البائع بيساعد العميل مش بيبعله.
• دايماً اهتم بتكوين شبكة علاقات كبيرة، و دايماً استمر في التواصل مع العميل حتى بعد عملية الشراء, لأن ده هيخليك دايماً في باله و بمجرد ما حد من دايرة معارفه يحتاج المنتج او الخدمة اللي انت بتقدمها هتكون انت اول حد يجي على باله و بكده هتكون ضمنت نسبة مبيعات تجيلك كل فترة منغير اي مجهود منك.

في المهاية مجال المبيعات موهبة اكثر منه دراسة و الشاطر فيه بيبان و بيتميز، و دخول المجال بقى اسهل بكتير من خلال الكورسات و الشهادات اللي بتساعد على تعليم مجال المبيعات بشكل علمي و اكثر احترافيه و يقصر عليك المشوار.