ازاي تكتب اعلان توظيف Online ؟

التوظيف عن طريق الانترنت انتشر جداً, و شركات كتير بقت تعتبره اداة اساسية للاعلان عن الوظائف و تعيين موظفين منها, و منقدرش ننكر ان هو اصبح ليه دور في عملية التوظيف طبعاُ هو مجرد خطوة لا يمكن تكمل بدون الـ Interviews و الـ Assessments اللي من خلالها بيقدر الـ Recruiter يعرف اكثر عن المرشح للوظيفة.

طيب بما ان اعلانات التوظيف الـ Online اصبح ليها دور مهم و فعال .. ازاي تكتب اعلان توظيف سليم و واضح و محدد, و يوصل للفئة اللي انت محتاجها.

• اكتب Job title قصير و واضح :

خلي اللي يقرا الاعلان يفهم طبيعة الوظيفة المطلوبة علشان اللي يقدم يكون شخص مناسب, ففي السنوات الاخيرة ظهرت القاب غريبة للوظائف في الاعلانات على الانترنت زي ,Digital Overlord او Wizard of Lightbulb Moments و على اد ما هي القاب ملفتة للنظر و فيها ابداع, الا ان اللي هيشوف الاعلان مش هيفهم الوظيفة المطلوبة.

و خلي الـ Job title قصير, فالاعلانات اللي الـ Job title فها بيكون طوله مش بيزيد عن 71 حرف بتتمع بمعدل Clicks اعلى من المتوسط.

• التركيز على المعلومات الحيوية :

الاعلانات اللي فيها المعلومات اللي بيبحثوا عن وظيفة بيدوروا عليها هي الاعلانات اللي بتشد الاشخاص للتقديم من خلالها لأنها واضحة و الشخص فهم الوظيفة و فهم كل المعلومات اللي محتاجها.

اتكلم عن اللي هيكون مطلوب منهم بشكل يومي, بدل من الكلام عن مكانة الشركة و كلام مش هيهم الاشخاص في حاجة.

• معرفة كيفية استهداف جمهورك المحدد :

زي ما الاعلان عن طريق الانترنت بيوفر وقت و جهد على الـ Recruiter لكن لو مقدرش يستهدف الاشخاص اللي محتاجها فهو كده بيضيع وقت و مجهود اكبر, فلازم تكون عارف ازاي تـTarget الاشخاص اللي من السن و البيئة و الخلفية التعليمية اللي انت محتاجها لأن ده بيعمل نوع من التصفية للاشخاص, و بيخليك تحدد مقابلات مع افضلهم بس و منغير ما تستهدف صح هتلاقي جايلك كم كبير جدا من التقديمات من اشخاص غير مناسبين و هتحتاج وقت كبير جدا لتصفيتهم.

علشان كدة التدريب اساسي و هيعود على الموظف و المؤسسة بفائدة و عندنا في hpa بنقدم للشركات خدمة التدريب لموظفين في كافة المجالات بشكل احترافي و بأحدث الاساليب اللي هتساعد الموظف يواكب التطور و يتعرف على احدث التقنيات و ازاي يطبقها بشكل عملي في مجاله, كمان تقدر تختار الكورس اللي انت عاوزة لموظفينك او توصفلنا مشكلتك فين واحنا هنعملك كورس بمحتوي كامل مخصص لحالة شركتك انت وبس