ممنوع الفِصال

ممنوع الفِصال 👿 :

اي موظف Sales بيتعامل بشكل يومي مع فصال العملاء, كل عميل عايز ياخد افضل جودة بأقل سعر طيب انت كموظف Sales ازاي تتعامل مع العميل اللي بيفاصل باستمرار؟

تعامل رجل الـSales مع الفصال بشكل مستمر علمياً بيحتاج Negotiation skills او مهارات التفاوض, ازاي تقنع العميل بالسعر و ازاي تفهمه هو ايه المميزات اللي هياخدها مقابل الفلوس اللي هيدفعها علشان يقدّر قيمة المنتج او الخدمة اللي بتقدمها و يقدر يوازن بين المنتج و السعر المعروض.

دي بعض النصايح اللي هتخليك تعرف تتعامل مع العميل اللي بيفاصل :

• تفاوض مع الـDecision maker :

متقعدش تضيع وقتك مع حد بيفاصل معاك و في الاخر مش هو اللي هياخد القرار, وفر طاقتك في التفاوض مع الشخص اللي هياخد القرار في الاخر. دايماً تفاوض مع صانع القرار.

• حدد احتياج العميل :

موظف المبيعات المحترف بيقدر يكتشف ايه هو احتياج العميل من بداية الكلام, و وقتها بيقدر يأكد للعميل ان المنتج او الخدمة دي هي اللي بتحل و بتلبي احتياج العميل ده بأفضل شكل, و بكدة و مع اقتناع العميل هتكون اقل عرضة لفصال العميل معاك لأنه اتأكد انه محتاج المنتج اللي انت بتقدمه.

• اخلق علاقات طيبة مع العملاء:

كل ما كان عندك مجموعة من العملاء بيثقوا فيك, كل ما هتقل معدلات الفصال اللي بتواجهها, احرص دايماً على بناء سمعة طيبه و ثقة بينك و بين العميل توفر عليك رحلة طويلة من التفاوض.

• اعرف مميزات منتجك :

خليك دايماً عارف ايه الميزة اللي بتقدمها لعميل, سواء جودة عالية, او سعر مميز, ده هيخلي ردك على التفاوض اسرع و مقنع اكثر لأنك عارف انت بتقدم ايه و دارس السوق حواليك و عارف الميزة التنافسية لمنتجك.

• ركز على الـValue اللي بتقدمه, و المميزات و الخصائص بتاعة منتجك :

في كلامك ركز على الـValue اللي بتقدمه مش على التخبيط في المنافسين لأن ده بيديك مصداقية اعلى عند العميل, ركز على لنك تشرحله طبيعة المنتج و خصائصة و مميزاته بالتفصيل.

و في النهاية كل ده مش هينجح لو انت في الاصل متوجه لعميل مش من الفئة المستهدفه بتاعتك, خليك حريص انك تعرف منتجك طبيعة عملائه عاملة ازاي و مين العماء اللي هيحتاجوه علشان تروح للعميل الصح.

 “Don’t work hard, work smart”

اعرف كل جديد عن علم الـ Sales من خلال دراستك للـ Sales Diploma