البيع بالتجزئة

ايه هي إدارة البيع بالتجزئة في سلسلة التوريد ؟

هي عملية ادارة سلسلة التوريد بالكامل لمؤسسات البيع بالتجزئة. فهي العمليات اللي بتقوم بيها لتوصيل منتجك للمستهلكين من اول الحصول على المواد الخام لحد تسليم منتجك لأيد المستهلك.

و علشان كده ادارة التجزئه في سلاسل التوريد بتهدف لتحسين العمليات دي علشان تاخد وقت اقل و توصل للمستهلك في اسرع وقت و بأقل تكلفه ممكنه.

طيب ايه اهمية إدارة البيع بالتجزئة في سلسلة التوريد؟

• بتساعد في ادارة العمليات اللي بتقوم بيها لتوصيل منتجك للمستهلك بشكل اسرع و اكفأ بدل من تخزينها فترات طويله بالتالي بتزودلك ارباحك.
• سلسلة التوريد المصممه بشكل جيد بتزود من عملائك و ده معناه نصيب اكبر ليك في السوق و نصيب اقل لمنافسيك.
• تخفيض سعر منتجك و لكن بدون تخفيض في الارباح و ده من خلال التوفير في التكاليف الاجماليه, و ده هيديلك ميزة تنافسيه و هيكون محل تقدير من العملاء.
• تحسين خدمة العملاء بشكل واضح, لأن ادارة البيع بالتجزئة بشكل صحيح هيضمن للعميل توصيل سريع و آمن للمنتج .

ازاي تدير البيع بالتجزئة في سلاسل التوريد بأفضل شكل ؟

• تحسين مساحة التخزين :

لو دورت ممكن تكتشف انك بتدفع مقابل مساحه كبيرة للتخزين منتجك مش محتاجه و بتطلب من موظفيك وقت اطول في البحث عن العناصر المخزنه او ان المخازن الخاصه بيك مش مجهزة بالشكل الجيد اللي يسهل عمليات الصادرات و الواردات.

• تعدد الموردين :

تعاملك مع مورد واحد فقط عمره ما كان قرار صحيح و ده لأنه بيقضي على المنافسه بين الموردين اللي هتخليك توصل لأفضل جودة و افضل سعر “و ده بيزيد من ارباحك” و هتخليك تقدر تتعامل بسهولة مع التأخير و تجد بديل سريع, و ده بيحميك من دفع مبالغ كبيرة في خدمه غير مرضية.

• تقييم أنماط طلب العملاء :

تقييم احتياجات و متطلبات العملاء بشكل دوري بيعرفك ان كانت افترضاتك الموسمية او الشهرية صحيحه ولا لازم تتغير, و حدد طلب التوريد الخاص بيك على اساس احدث تقييم قمت بيه, ده هيخليك تطلب بشكل مرتبط اكثر باحتياجات شركتك الفعليه و بناءً على الطريقة اللي هتدير مخزونك بيها.

• تحسين عملية الطلب :

جزء من تكاليف سلسلة التوريد الخاصة بيك بيجي من نظام الطلب. اذا كان في العديد من الاشخاص بيقوموا بملء الطلبات أو باستخدام برامج متعددة أو حتى قوائم تدقيق ورقية, ده ممكن يخليك تطلب اكثر من اللازم.

بالاضافه الى عدم وجود عملية تأكيد الموافقه على الطلب, ده هيخليك تطلب اشياء مش محتاجها, افحص عملية الطلب لمعرفة إذا كانت بتسبب الهدر أولا.

لمعلومات اكتر انضم معانا للكورس التأهيلي للشهادة الدولية CPIM