الذكاء الاصطناعي في السيلز 

الذكاء الاصطناعي في السيلز واستخدامه

عملية البيع هي عمليه في الاساس قايمه على التواصل البشري بين رجل المبيعات و العميل و قدرة رجل المبيعات على اقناع العميل بالمنتج او الخدمه اللي بيقدمها.

 و بعد الثورة الهائله للذكاء الاصطناعي, بدأت فرق المبيعات في الاستعانه بيه كوسيله لمساعدتهم على التواصل بشكل افضل و العمل بشكل اذكى و احدث في مجال المبيعات.

ازاي يقدر الذكاء الاصطناعي AI يساعد فرق المبيعات ؟

• التوفيق بين التوقعات و مندوب المبيعات المناسب :

الAI عنده القدره جمع المعلومات الضروريه اللي بتوضح احتياجات العميل و توصله برجل المبيعات المناسب اللي يقدر يلبيله احتياجاته.

و من المتوقع ف المستقبل ان انظمة الAI تطور اكتر و تقدر تجمع تفاصيل و معلومات اكتر عن العميل تفيد رجل المبيعات في عملية البيع, و تحدد كمان افضل وسائل الاقناع اللي ممكن تأثر على العميل.

• تقديم Feedback لموظف المبيعات بعد التواصل مع العميل :

تقدر انظمة AI انها تقدم لرجل المبيعات رؤيه شامله بعد تواصله مع العميل عن الاخطاء اللي عملها او تقدمله مقترحات تحسن من جودة الاتصال مع العميل زي انه يتكلم بشكل ابطأ او انه يسيب فرصه اطول للعميل للرد عليه او يستخدم مصطلحات رئيسيه لها صوره ذهنيه هتخلق عند العميل انطباع معين سواء في رسائل الEmail او المكالمات.

و من المتوقع في المستقبل ان انظمة AI هتقدر ترد على الاسئله الشائعه اللي ممكن يطرحها العميل او تعرض الاسئله الشائعه لموظف المبيعات قبل اتصاله بالعميل علشان يجهز ردها بشكل مسبق.

– الاحتفاظ ببيانات العميل :

من خلال انظمة AI بيتم انشاء ملف تعريف كامل عن كل عميل علشان يقدر رجل المبيعات يميز احتياجاته الفرديه حتى بعد توقف تعامله مع الشركه لفتره و عودته مره اخرى بيقدر رجل المبيعات يتطلع على الملف ده مره تانيه و يتعامل مع العميل بالشكل المناسب و ده بيدي انطباع للعميل بأنه مميز و ان رجل المبيعات عارفه بشكل شخصي.

–تدريب العاملين :

تكنولوجيا الAI نفسها تقدر تتعرف على الاخطاء اللي بيقوم بيها موظف المبيعات و ده بيتم استخدامه في تدريب فرق المبيعات في المؤسسه بحيث يتم استخدام انظمة AI لمتابعة مكالمة رجل المبيعات للعميل و تصحيحها و تعديل الاخطاء اللي بيقوم بيها الموظف و تعريفه ازاي يدير المكالمات او الرسائل بينه و بين العميل بأفضل شكل.

و نظراُ لأن هذه الانظمه قادره على التحليل فا هي تقدر تبين العملاء المتوقع انهم يتراجعوا عن التعامل مع المؤسسه و ايجاد طرق لجذبهم مره تانيه للحفاظ على العلاقه بين العميل و المؤسسه و تحديد مستوى اهتمامهم و ده بيأكد اهمية دور الذكاء الاصطناعي في مجال المبيعات كعامل مساعد لرجل المبيعات فقط و ليس كبديل لرجل المبيعات.

تجنب اخطاء موظفي المبيعات  وانضم الي الـ Sales Diploma