البيع موهبة ام مهارة مكتسبه

علشان نعرف البيع مهاره ولا موهبه هنتناقش في بعض الحاجات الاول, في البداية كل مهنه لابد من وجود خلفية علميه سواء بالدراسه او التدريبات اولاً علشان تقدر تشتغل فيها تواكب سوق العمل.

مهنة البيع او الSales من المهن اللي بتتطلب ده, و وجود خلفيه علميه هيساعدك تتطور في المجال ده بشكل اسرع, طيب و وجود الموهبه ؟

البيع ممكن يكون موهبه بالفعل, موهبة الاقناع و اللباقه بتساعد على تنمية مهارات البيع, بس المواهب دي مكن تكتسب من خلال الدراسه و الخبره و ادراكك لطبيعة المنتج او الخدمه اللي بتسوقلها و للعميل اللي بتسوقله منتجك و ازاي تكلمه.

ايه المهارات اللازم تواجدها في رجل البيع المحترف وهل البيع موهبة ام مهارة مكتسبه فعليا ؟

المهارات اللي لازم تكون عندك كرج بيع كتير و هنتكلم في بعضها :

• انك تكون مستمع جيد, بتسمع للعميل و بتعرف احتياجاته و ازاي تتواصل معاه بالاسلوب المناسب ليه, و علشان تعرف احتياجات العميل لازم تسمعه لأن رجل المبيعات المحترف بيسمع اكتر ما بيتكلم.
• التنافسيه, لأن رجل المبيعات المحترف دايما بيحاول يحقق اعلى مبيعات و دايما بيتنافس على لقب اشطر رجل مبيعات.
• وجود شبكة علاقات كبيره لأن رجل البيع المحترف بيكون علاقه انسانيه مع كل عميل بيقابله و ده بيخليه الخيار الاول للعميل في اي مره بيحتاج فيها العميل شراء المنتج او الخدمه اللي انت بتقدمها.
• الثقه, مش بس ثقتك في نفسك كرجل مبيعات لكن كمات ثقتك في المنتج او الخدمه اللي بتقدمها و جودتها.
• الحماس, فرجل المبيعات الناجح دايما متحمس و عنده القدره انه يتمم عملية البيع في اي وقت.
• المرونه و دي اساسيه بمعنى ان في حالة انك محققتش التارجت و الوقت بيجري متحبطش و تفقد الامل, حاول و اجتهد لحد ما تحقق الارقام اللي عايزها.

دي بعض المهارات اللازمه اللي هتميزك كرجل مبيعات واللي بيوضح اذا كان البيع موهبة ام مهارة مكتسبه , لكن بالاضافه لكل ده لابد من التدريب و التطوير بشكل مستمر لأن العميل بيتغير و السوق بيتغير و بيتطور بشكل سريع, و لو عندك كل المهارات المطلوبه لكن متعلمتش تستثمرها ازاي في مجالك, المهارات دي مش هيكون ليها اي فايده.

اعرف اكتر عن طرق البيع و كيفية عرض المنتج او الخدمه العرض الامثل لها و انضم لدبلومة المبيعات Sales Diploma المقدمه من hpa.