الحفاظ علي النجاح اصعب من النجاح نفسه

ده لان كل يوم ناس بتنجح وبتحقق اهدافها بس في الوقت اللي ناس بتعتبر النجاح سبب للراحة  في ناس تانية بتشتغل وتتعب عشان تحافظ علي النجاح ده بالعمل المستمر والبحث .

مهم جدا ان إدارة اي شركة ناجحه تشجع الموظفين علي الابداع و التفكير ومهم اكتر انها تتبني افكارهم و تحاول تدرسها وتدرس امكانية التنفيذ …

شركة كوداك سنة 1975 كان فيها مهندس اسمه   Steven Sasson قام بعرض فكرة على الادارة هي بمثابة ثورة في عالم التصوير والفكرة اللي بيها كان ممكن

 شركة كوداك تقضي علي منافسيها قبل ما يبدئوا اصلا في الظهور ولكن كان ردة فعل الإدارة تجاه المهندس ده تجاهل اختراعه وفكرته وحصل انهم مدحوها بس.

من القمة للقاع!!

شركة Kodak  كانت بتحتكر سوق التصوير الفوتوغرافي و وفقاً لـThe Economist   في عام 1976 كانت حصة الشركة بتمثل 85% من مبيعات الكاميرات في الولايات المتحدة وقدرت تحافظ الشركة علي نجاحها لمدة 100 سنة .

وده يمكن سبب من أسباب عدم إدراك الشركة لخطورة أختراع أول كاميرا رقمية علي يد المهندس Steven Sasson  و بعد عشرين سنه الفكرة ظهرت وأول شركة تتضرر منها هي شركة Kodak  اللي كان المهندس ده شغال فيها .

إنهيار شركة Kodak

هو في الأساس بسبب أخطاء إدارية , من الأخطاء الإدارية اللي بتقع فيها معظم الشركات هي إدارة الفكر الواحد.

او إدارة الفرد الواحد وعدم الاهتمام بالابداع والتطوير .

تعالوا نتخيل لو شركةKodak  كانت منظمة إدارياً وعلي دراية كاملة بأهمية أبطالها (الموظفين بالشركة) و قدرت تستغل افكارهم وابداعهم في تطوير الكيان الكبير ده .

اول حاجه كانت هتبقي اول شركة تُصدِر الكاميرا الرقمية (اللي بتصور من غير فيلم كاميرا)

ثانيا كانت هتفضل متصدرة ومحافظة علي النجاح اللي استمرت عليه لمدة 100 سنة , اكيد كل شركة او كيان مهما كبر بتيجي عليه لحظات ضعف او حتي انهيار لكن الادارة الناجحة هي اللي عندها تخطيط للمستقبل و قادرة تطوّع الافكار وتحط الآليات الكافية للاستمرار في النجاح ده.

فزي ماقولنا فى الاول ان الحفاظ علي النجاح اصعب من النجاح نفسه , علشان كده قبل ماتقرر انك يكون ليك شركتك لوحدك اللي بتديرها بنفسك او لو انت مدير في شركة متحمل قرارات و متخذ خطوات اساسية بالشركة , لازم تدرس الموضوع بشكل دقيق وعلمي وعملي و لازم تتأكد من جودة محتوي دراستك للادارة  كعلم  وكــفن ,في hpa  سواء كنت مدير صاحب خبرة كبيرة في الإدارة او كنت مدير جديد  بنوفرلك التدريب العلمي والعملي اللي يساعدك ويطور من اسلوبك في الادارة وكمان هتكون معتمد من اكبر معهد في تدريب برامج الادارة في العالم وهو معهد الـCMI  في انجلترا …اعرف اكتر عن برامجنا في مجال الإدارة .

سجل معانا في النشرة الاسبوعية ليصلك كل جديد من خدمة الـ business time من hpa