Brand Attack

سمعنا كتير عن ال brand attack اللي بيحصل دايماً للشركات الكبيره او اي براند بشكل عام في الاول خلينا نعرف ايه هو ال brand attack؟! ال social media أصبحت مجتمع كبير بيراقب الشركات الكبيره او ال brands و بتستني غلطه للبراند او الشركه دي عشان يبدأ الهجوم عليها و دا اللي بنسميه ال brand attack و ممكن يكون من اكتر الحاجات اللي بتأثر سالبا علي الشركه لو معرفتش تتعامل معاه بشكل يكون في صالح الشركه لانه دايماً بيكون باب للشركات الصغيرة انها تكبر في السوق علي حساب الشركات الكبيره – زي اللي حصل مع uber و careem وشركات تانيه كتير..

كمان حصل ل Vodafone في 2014 بعد تويته Vodafone بهاش تاج summer time و كانت ال تويته دي تحمل جمله “getting laid in the shade” لكن في الواقع الجمله تحمل معنيين و بالتالي حصلها brand attack و بدأت الناس تفعل #getlaidintheshade و اللي استخدم ضد Vodafone بشكل كبير.

الاهم هو تجنب اي نتائج سلبيه لل brand attack و دا هيكون عن طريق الاسلوب اللي هترد بيه الشركه علي الهجوم الكبير اللي حصلها و تحاول تستغله لصالها مش ضدها من خلال كام خطوه كدا:

1- انك تكون عارف ال customers بتوعك شايفينك إزاي و متوقعين منك ايه عشان تعرف تتصرف مع اي رد فعل

2- لازم يكون عندك استراتيجية للتعامل مع اي مشاكل ممكن تقابلك على social media و عشان لو في خسائر كبيره تتجنب اكبر قدر منها او تطلع بأقل خسائر ممكنه

3- اي كومنت سلبي او رد فعل سلبي لازم ترد عليه في اسرع وقت و تعرف ايه هي المشاكل اللي عند الناس عشان تقدر تطور من خدمتك في اسرع وقت

4- لازم تكون متابع عملائك ومتفاعل معاهم و بتشاركهم مناسباتهم بشكل دائم و دا هيخليهم يتكلموا عنك بشكل ايجابي

5- اسمع العملاء بتوعك بشكل كويس عشان تعرف ايه اسباب المشكله و تغيرها وممكن كمان تخليهم يقدمه اقتراحات لحل المشكله وتبدا تتفاعل مع الاقتراحات دي لو هي فعلا كويسه كده عرفنا ايه هو ال brand attack و ازاي نقدر نقلل من الخسائر اللي هتحصل منه

المهم انك لازم تكون قريب من العملاء بتوعك بشكل عام و بكذا طريقه.