ابني الـSEO الصح بتاعك علي حساب منافسينك !!!

شعار الفترة دي Google it  يعني كل متسئل حد عن حاجه يقولك اسئل جوجل افيدلك  فوصلنا لمرحلة ان اي منتج او اي خدمه الناس بتدور عليها بتسئل جوجل

فأصبح جوجل  محل ثقة عند عملاء كتيرررر و خصوصا لو انت بتقدم خدمة  وعشان كده جوجل حط معايير وقواعد لترتيب المواقع علي صفحات نتائج البحث SERP(Serch Engine Result Page ), المعايير دي بتساعد جوجل انه يكسب ثقة العملاء اكتر ويوصلهم للمحتوي المفيد اللي بيدوروا عليه .

انت كشخص بيمتلك بيزنس لازم تستغل جوجل وتبني الـSEO الصح بتاعك عشان تكبر وده مش رأينا احنا بس كـhpa marketers 

شركة  Hubspot أصدرت تقرير  ان 61% من المسوقين أقروا  إن بناء  الـSEO  الصح وزيادة الـTraffic  علي الويب سايت يعتبر رقم 1 في اولوياتهم التسويقية .

نرجع تاني للشعار بتاعنا Google IT

 يعني انت بتبيع منتجات ورقية علي سبيل المثال وعميلك بيدور و لقي حد غيرك ظاهر قبلك في صفحات نتائج البحث SERP

فانت هتخسرالعميل ده كنتيجه متوقعة  وده مش اي عميل ده عميل عنده الـNeed الفعليه للمنتج بتاعك وبدل ميوصلك هيوصل للمنافسك 

يبقي هنا وجودك كنتيجة اولي في  الـSearch engine  ضروري و اساسي .

طب عشان تبني الـSEO  الصح لازم تحط علي منافسينك في المجال بتاعك و لازم تبقي James Bond في نفسك يعني تبقي جاسوووووس !!! 

بس تجسس شرعي متقلقش!!

المنافسين ممكن يكونوا هم أعظم فرصة تقدر تطلع بيها لعميلك المناسب لما يدور عليك , لازم تتعلم منهم و تحلل الاستراتيجية او الخطة اللي بيتبعوها وتتعرف علي النتائج اللي وصلولها

واتعرف علي  الكلمات المفتاحية اللي بيستخدموها الـ Keywords  وهل هي اللي عميلك بيدور عليها وعاوزة يوصلك بيها وفي الوقت ده تقدر تطلع بخطة جديدة مبتكرة تبني بقي الـSEO الصح بتاعك .

في البداية لازم تبدأ في تحديد الـKeywords  الاساسيه اللي هتستخدمها او اللي عملائك بيدوروا بيها عليك يعني لو استخدمنا نفس المثال “المنتجات الورقية ” فدي تعتبر الكلمة الرئيسية و اللي من خلالها تقدر تبني كلمات مفتاحية اطول يكون معدل البحث عليها جيد كل شهر كمان تكون المنافسة عليها متوسطه زي محل لبيع المنتجات الورقية , المنتجات الورقية ذات الجودة العالية , كيفية صنع المنتجات الورقية . إلخ

وبعد متحدد الكلمات المفتاحية ومعدل البحث عنها ممكن تحتفظ بيهم في Excel sheet  و تقدر تستغل ادوات كتيرة في الكشف عن معدل البحث في كل بلد و المنافسة زي

1- https://online.webceo.com Web CEO

2- https://kwfinder.com/ keyword finder

بعد كده تقدر تحدد المنافسين ليك علي الكلمات الرئيسية بتاعتك اللي اخترتها

خش علي جول واعمل بحث عن الكلمات الرئيسية بتاعتك ومن نتائج البحث هتكتشف ان في مواقع بتظهر في كل النتائج للكلمات البحثية بتاعتك و هنا المواقع دي  تعتبر منافسينك في الكلمات البحثية اللي هتستخدمها 

مش شرط يكون المنافس بتاعك بيقدم نفس الخدمة او بيقدم نفس المنتج الخاص بيك بس ممكن يكون موقع اخبار بيتكلم عن تاثير المناخ علي المنتجات الورقية 

وهنا بيكون هو ماسك الـKeyword  دي وانت لازم تنافسه عليها عشان تقدر تسبقه وتظهر لعميلك قبله .

كده انت بقي وصلت لجزء من منافسينك وتقدر تحصر كده اغلب المنافسين ليك في السوق اللي بيستخدموا نفس او معظم الكلمات المفتاحية الرئيسية بتاعتك وتبدا تعمل بحث عن كل موقع منهم وتطلع الكلمات الرئيسية اللي بيستخدمها كل موقع و تقارن بينها وبين الكلمات المفتاحية بتاعتك  اللي اختارتها في الـEcxel sheet وتختار مابينهم

   لو عاوز تعرف كل الكلمات المفتاحية اللي بيستهدفها المنافسين تقدر تستخدم الاداة دي SEMrush  : https://www.semrush.com/features/

التجسس في الفتره دي علي منافسينك بيكون بهدف انك تعرف المحتوي اللي بيكتبوه  و عدد الـ Backlinks اللي عندهم وايه المواقع المربوطة بالـwebsite  بتاعهم  وهنا تقدر تستعين بالـTool  دي  Ahrefs

حاول تحط روابط عندك في الموقع بتودي لمواقع تانية بشرط  تكون متناسقه مع المحتوي اللي بتتكلم عنه  يعني مثلا انت بتقرا بلوج دلوقتي عن الـSEO ومحتاج تمارس ده بشكل عملي او يتشرحلك بشكل مفصل اكتر فهتلاقي لينك SEO Workshope 

كمان وانت بتحلل المنافس بتاعك لازم تفحص المحتوي كويس و أوليتهم في الكلمات الرئيسية وترتيبها وكثافة الكلمات المفتاحية بتاعتهم  والمعلومات الوصفية  ليهم

المنافسين مش بس هيساعدوك تبني الـSEO  الصح بتاعك  بس  دول كمان بيساعدوك  وبيكونوا مصدر الهام وافكار وسبب في انك تفضل علي اطلاع بكل جديد في مجالك ده كله بجانب انك بتحط استراتيجية تحسين محركات البحث

جبنالك معظم معايير الترتيب المواقع في محركات البحث في الموضوع ده هتلاقي معظم المعايير اللي لو اتبعتها هتوصل لصفحات البحث الاولي

لو عاوز يوصلك كل جديد عن الـDigital marketing  اعمل Subscribe  واحنا هنبعتلك كل جديد علي ميلك